तनहुँ । रोटरी क्लब अफ दमौलीको आयोजनामा तनहुँको व्यास-५ चुँदेरमा खानेपानी आयोजनाको शिलान्यास गरिएको छ ।
सोमबार एक कार्यक्रमका बीच उक्त आयोजनाको शिलान्यास गरिएको थियो ।
अमेरिकास्थित रोटरी क्लव अफ होनोलुलु सनसेट, रोटरी क्लब अफ दमौली र व्यास नगरपालिकाको संयुक्त लगानीमा तनहुँको व्यास नगरपालिका–५ चुँदेरमा खानेपानी योजना निर्माण शुरु भएको छ ।
वर्षौदेखि खोलाको पानी उपयोग गर्दै आएका यहाँका वासिन्दाका घर–घरमा खानेपानी पुर्याउने उद्देश्य सहित रोटरी चुँदेर खानेपानी योजनाको शिलान्यास गरिएको छ ।
प्रमुख अतिथि रोटरी ३२९२ नेपाल भुटानका निवर्तमान डिस्ट्रिक गभर्नर किरणलाल श्रेष्ठ रहेका थिए ।
प्रमुख अतिथि निवर्तमान डिस्ट्रिक गभर्नर किरणलाल श्रेष्ठ र व्यास नगरप्रमुख वैकुण्ठ न्यौपानेले संयुक्त रूपमा शिलान्यास गरेका थिए ।
सो अवसरमा रोटरी पोलियो अन्त्य गरे जस्तै स्वच्छ खानेपानी सबैमा पुर्याउने अभियानमा रहेको उनले बताए ।
रोटरीले शिक्षा, स्वास्थ्य, खानेपानी, पशुपालन लगाएतका क्षेत्रमा सहयोग पुर्याउन निवर्तमान गभर्नर श्रेष्ठले बताए ।
विशिष्ट अतिथि व्यास नगरपालिकाका प्रमुख वैकुण्ठ न्यौपानेले पानी नभएकाले स्थानीय तल झर्ने क्रम बढेको उनले बताए ।
उनले थपे ‘जमिन बाझो हुन थालेका छन ।’
उक्त योजना निर्माणमा व्यास नगरपालिकाले समेत आर्थिक सहयोग गर्ने नगरप्रमुख वैकुण्ठ न्यौपानेले बताए ।
गुणस्तरमा ध्यान दिएर तोकिएको समयमै काम सक्न निर्माण कम्पनीलाई व्यास-५ का वडा अध्यक्ष मोहन कुमार श्रेष्ठले अनुरोध गरेका थिए ।
कार्यक्रममा संविधान सभाका सदस्य रामचन्द्र पोख्रेल, क्लबका आगामी वर्षका अध्यक्ष दिनेश कुमार श्रेष्ठ लगाएतले बोलेका थिए ।
उक्त योजनाबाट २२९ घर परिवार लाभान्वित हुने रोटरी क्लब अफ दमौलीका अध्यक्ष दामोदर भण्डारीले बताए ।
सो आयोजना १ करोड १६ लाख ४० हजार २१० रुपैयाँको लागतमा निर्माण हुँदैछ ।
योजनाले चुँदेर, नेपालटार र रानीटारी क्षेत्रका स्थानीय लाभान्वित हुनेछन । योजना निर्माण पश्चात प्रत्येक घण्टा १० हजार लिटर पानी तान्न सकिने छ ।
आगामी २ महिना भित्र गाउँमा खानेपानी झार्ने लक्ष्य रहेको निर्माण कम्पनीका इन्जिनियर प्रकाश शर्माले बताएका छन ।
उक्त आयोजनाको पार्टनर इन सर्भिसमा रोट्रयाक्ट क्लब अफ दमौली र रोट्रयाक्ट क्लब अफ भिमाद रहेका छन ।
सम्बन्धित खबर
नेपाली सिनेमाको विकासको विकास हुन नसक्नुमा सरकारको नीति वा नियतबारे प्रश्न
रिलदेखि एआईसम्म आउँदा स्मरण क्षमता कमजोर, मेहनत कम
‘अहिलेका गीत संगीतमा प्याकेज बन्न छोडे’
‘नेपाली सिनेमामा आदिवासी र सिमान्तकृतको स्वर दबिएको छ’
गण्डकी प्रदेशलाई ‘वेलनेस’ टुरिजमको हव बनाऔँ : मुख्यमन्त्री पाण्डे
सामूहिक आलुखेतीमा जुट्दै स्याङ्जाका किसान
यो पनि पढौँ
पोखरामा जीपको ठक्करबाट आमाको मृत्यु, छोरा गम्भीर घाइते
कुम्भ मेलाबाट फर्किँदै गर्दा नेपाली सवार गाडी दुर्घटना, रुपन्देहीका ३ जनाको मृत्यु
पर्वतमा जीप दुर्घटना हुँदा एक जनाको मृत्यु, चालक गम्भीर
शानदार मःम पसलमा ग्यास विस्फोटः थप एकजनाको मृत्यु, मृतकको संख्या ४ पुग्यो