पोखरा – आइतबार पोखराका २८ सहित गण्डकीमा थप २९ जनामा कोरोना पुष्टि भएको छ ।

प्रदेश स्वास्थ्य निर्देशनालयका अनुसार आज गण्डकीका १४७ जनामा गरिएको परीक्षण मध्ये कास्की जिल्ला पोखरा महानगरपालिकाका २८ सहित तनहुँ जिल्ला भिमाद नगरपालिकाका १ जना गरी २९ जनामा कोरोना पुष्टि भएको हो ।

आज थपिएका संक्रमित संगै गण्डकीमा कोरोना संक्रमितको कूल संख्या १४ हजार ६ सय ९९ पुगेको छ । जसमा सक्रिय संक्रमित ८७९ जना छन् ।

पछिल्लो २४ घन्टामा गण्डकीबाट ५२ जना कोरोनामुक्त भएका छन् । यो संगै, प्रदेशमा हालसम्म कोरोनामुक्त हुनेको संख्या १३ हजार ६ सय २७ पुगेको छ ।

आज गण्डकीमा थप एक कोरोना संक्रमितको मृत्यु पुष्टि भएको छ । मृतक स्याङ्गजा जिल्ला पुतलीबजार नगरपालिका वडा नं -७ निवासी ८२ वर्षीया कोरोना संक्रमित महिला रहेको छन् ।

यो संगै, गण्डकीमा कोरोना संक्रमणबाट मृत्यु हुनेको संख्या १९३ पुगेको निर्देशनालयले जनाएको छ ।