पोखरा – शनिबार कास्कीका ३६ सहित गण्डकीमा थप ३९ जनामा कोरोना पुष्टि भएको छ ।

प्रदेश स्वास्थ्य निर्देशनालयद्वारा आज जारी विज्ञप्ति अनुसार गण्डकीका २९२ जनामा गरिएको परीक्षण मध्ये थप ३९ जनाको रिपोर्ट पोजेटिभ आएको हो ।

आज पुष्टि भएका संक्रमित प्रदेशका ३ जिल्लाका छन् । जसअन्तर्गत कास्कीको अन्नपूर्ण गाउँपालिकाका २ सहित पोखरा महानगरका ३६ जना, तनहुँमा १ जना र पर्वत जिल्लाका २ जनाको परीक्षण रिपोर्ट पोजेटिभ आएको जारी विज्ञप्तिमा उल्लेख छ ।

आज थपिएका संक्रमित संगै गण्डकीमा कोरोना संक्रमितको कूल संख्या १४ हजार ६ सय ७० पुगेको छ । जसमा सक्रिय  संक्रमित ९ सय ३ छन् ।

पछिल्लो २४ घन्टामा गण्डकीबाट ८८ जना कोरोनामुक्त भएका छन् । यो संगै, गण्डकीमा कोरोना संक्रमणबाट मुक्त हुनेको संख्या १३ हजार ५ सय ७५ पुगेको छ भने, गण्डकीमा हालसम्म कोरोना संक्रमणकै कारण ज्यान गुमाउनेको संख्या १९२ पुगेको निर्देशनालयले जनाएको छ ।