पोखरा – बुधबार पोखराका ६० सहित गण्डकीमा थप ८८ जनामा कोरोना पुष्टि भएको छ ।

आज गण्डकीका २५२ जनामा गरिएको परीक्षण मध्ये थप ८८ जनाको रिपोर्ट कोरोना पोजेटिभ आएको प्रदेश स्वास्थ्य निर्देशनालय पोखराले जनाएको छ ।

आज पुष्टि भएका संक्रमित गण्डकीका ७ जिल्लाका छन् । जसअन्तर्गत कास्कीको पोखरा महानगरका ६० जना, तनहुँका ६ जना, गोरखाका ६ जना, नवलपुरका १३ जना, स्याङ्गजाका १ जना, बाग्लुङका १ जना र म्याग्दी जिल्लाका १ जनाको परीक्षण रिपोर्ट कोरोना पोजेटिभ आएको छ ।

आज थपिएका संक्रमित संगै गण्डकीमा कोरोना संक्रमितको कूल संख्या १४ हजार पाँच सय २९ पुगेको छ । जसमा सक्रिय संक्रमित १ हजार सैंतिस छन् ।

पछिलो २४ घन्टामा गण्डकीबाट ८२ जना कोरोना मुक्त भएका छन् । यो संगै, प्रदेशमा हालसम्म कोरोना संक्रमणबाट मुक्त हुनेको संख्या १३ हजार तीन सय एक पुगेको छ भने, हालसम्म कोरोनाबाट १९१ जनाले ज्यान गुमाएका छन् ।