पोखरा – सोमबार कास्कीका ३१ सहित गण्डकीमा थप ४४ जनामा कोरोना पुष्टि भएको छ ।

आज गण्डकीका २०२ जनामा गरिएको परीक्षण मध्ये थप ४४ जनाको परीक्षण रिपोर्ट कोरोना पोजेटिभ आएको प्रदेश स्वास्थ्य निर्देशनालय पोखराले जनाएको छ ।

आज पुष्टि भएका संक्रमित प्रदेशका ८ जिल्लाका छन् । जसअन्तर्गत कास्कीको मादी गाउँपालिकाका १ जना सहित पोखराका ३१ जना, तनहुँक ४ जना, लमजुङका १ जना, नवलपुरका १ जना, स्याङ्गजाका २ जना, पर्वतका १ जना, बाग्लुङका २ जना र म्याग्दी जिल्लाका २ जना छन् ।

आज थपिएका संक्रमित संगै गण्डकीमा कोरोना संक्रमितको कूल संख्या १४ हजार ४ सय २१ पुगेको छ । जसमा १ हजार ७२ सक्रिय संक्रमित छन् ।

पछिल्लो २४ घन्टामा गण्डकीबाट अहिलेसम्मकै सर्वाधिक ८१६ जना कोरोनामुक्त भएका छन् । यो संगै, गण्डकीबाट कोरोनामुक्त हुनेको संख्या १३ हजार १ सय ५८ पुगेको छ भने, हालसम्म प्रदेशमा १९१ जनाले कोरोना संक्रमणका कारण ज्यान गुमाइसकेका छन् ।