पोखरा । पोखरा महानगरपालिका वडा नं १४ स्थित कालिका बहुमुखी क्याम्पसले आफ्नो २९ औ बार्षिकोत्सवको दिन आईतबार क्याम्पस हाता भित्र सरसफाई गरेको छ । हरेक बर्ष पुस १२ गते वार्षिकोत्सव गर्दै आएको क्याम्पसले यस बर्ष आफ्ना संस्थापक अध्यक्ष सुर्यबहादुर केसीको निधन र कोभड – १९ को कारण बार्षिकोत्सब मनाएन । समाजसेबी उद्योगपति एवं प्रतिनिधि सभाका सदस्य समेत रहेका केसीको गत कार्तिक १७ गते असामयिक निधन भएपछि बसेको सन्चालक समितिको बैठकले यस बर्षलाई शोक बर्षको घोषणा गर्दै बर्षभरीनै उत्सवका कुनैपनि कार्यक्रम नगर्ने निर्णय गरेको छ ।

आईतवार भएको सरसफाई कार्यक्रममा क्याम्पस प्रमुख रबीन्द्र नाथ बास्तोला र बिद्यार्थि कल्याणकारी समितिकी अध्यक्ष कौशिला अधिकारीले सरसफाई कार्यक्रम मात्र सम्पन्न गरी भब्य रूपमा बार्षिकोत्सव नगरिनुको कारणबारे प्रकाश पारेका थिए ।

सरसफाई कार्यक्रममा प्राध्यापक, बिद्यार्थि र कर्मचारीहरूको सहभागिता रहेको थियो । कल्याणकारी समितिको अग्रसरतामा भएको कार्यक्रको संयोजन प्राध्यापक शिशिर ज्ञवालीले गरेका थिए ।