काठमाडौं । प्रतिनिधिसभा विघटनका सन्दर्भमा मंगलबारदेखि जारी केन्द्रीय कार्यसमिति बैठकमा संस्थापन र इतर पक्षबीच मत विभाजित हुन पुगेपछि नेपाली काँग्रेसका वरिष्ठ नेता रामचन्द्र पौडेल केन्द्रीय कार्यसमिति बैठकअघि आफू पक्षीय केन्द्रीय सदस्यसँग छलफल जुटेका छन् ।
पौडेलले आफू पक्षीय केन्द्रीय सदस्यसँग संवादमा जुटेका हुन् । काँग्रेस सभापति शेरबहादुर देउवा पक्षीय सदस्यहरू प्रधानमन्त्री ओलीको कदमलाई प्रतिवाद भन्दा अवसरका रुपमा उपयोग गर्नुपर्ने पक्षमा देखिएका छन् भने पौडल पक्षीय नेताहरु प्रधानमन्त्री ओलीको असंवैधानिक कदमलाई उल्टाउन पार्टी सडक संघर्षमा जानुपर्ने पक्षमा मत राखेको पाइन्छ ।
पार्टी सडक संघर्षमा लैजान सभापति देउवालाई दबाब दिने रण्नीतिका साथ बिहान ११ बजेबाट अनमाननगरस्थिति आफ्नो सम्पर्क कार्यालयमा पौडेल पक्षीय केन्द्रीय सदस्यसँग छलफलमा छन् । पौडेल पक्षले छलफलमा एक मतका साथ केन्द्रीय समिति बैठक प्रस्तुत हुने नीति बनाउने बुझिएको छ ।
दिउँसो १ बजे बस्ने केन्द्रीय कार्यसमिति बैठकमा प्रधानमन्त्री ओलीले चालेको संसद विघटनको कदमविरुद्ध पार्टीलाई आन्दोलनमा लिनुपर्नेमा पौडेल पक्षको जोड छ ।
आजको बैठकले संसद विघटनविरुद्ध आन्दोलनका कार्यक्रम तय गर्ने भनिएको छ । बुधबारको बैठकपछि संसद विघटनविरुद्ध देशभर प्रदर्शन प्रवक्ता विश्वप्रकाश शर्माले बताएका थिए ।
तर, कहिलेदेखि प्रदर्शन सुरु गर्ने र प्रदर्शनको स्वरुप कस्तो हुने भन्नेमा आजको बैठकले टुंगो लगाउने उनको भनाइ थियो
This will close in 4 seconds
सम्बन्धित खबर
मधेश आन्दोलनको १८ वर्ष पूरा, बलिदानी दिवसको रुपमा मनाइँदै
यी स्थानमा वर्षा र हिमपातको सम्भावना
प्रेम सम्बन्ध बिग्रिएपछि युवतीको तस्वीर दुरूपयोग गरी चरित्र हत्या गर्ने युवक पक्राउ
समाजवादी प्रेसका अध्यक्ष, उपाध्यक्ष, महासचिव, सचिव, कोषाध्यक्ष नै एमाले निकट चौतारी प्रवेश
रुपन्देहीमा कुटपिटबाट एक भारतीय मजदुरको मृत्यु
पक्षघात उपचारका लागि दुर्लभ र महँगो औषधि निःशुल्क उपलब्ध गराउने स्वास्थ्य मन्त्री पौडेलको निर्णय
यो पनि पढौँ
स्याङ्जाका निरजलाई आठौं पटक ठेलोको उपाधि
कथा सकिने डरले चलचित्र निर्देशक बनेका गायक प्रकाश सपूत
देवघाटमा माघे सङ्क्रान्ति मेला सुरु
पर्वतको कुश्मामा कपास उद्योगमा आगलागी