तनहुँ । जिल्ला ट्राफिक प्रहरी कार्यालय तनहुँले चालु आर्थिक वर्षको ५ महिनामा ५५ लाख ४२ हजार रुपैयाँभन्दा बढी राजस्व सङ्कलन गरेको छ ।
पछिल्लो पाँच महिनामा ८ हजार १५० वटा सवारी साधन कारबाहीमा पर्दा ५५ लाख ४२ हजार रुपैयाँ राजस्व जम्मा भएको हो । उक्त अवधिमा २ हजार १४३ ट्रक, बस ४ सय २१, जीप/कार १८८२, ट्याक्टर ५०२, ३ हजार १७२ मोटरसाइकल र ३० वटा अन्य सवारी चालक कारबाहीमा परेका छन् ।
बिना लाइसेन्स सवारी साधन चलाएको, कागजपत्र नभएको, ट्राफिक नियम पालना नगरेकोलगायतका कारण ती सवारी साधनका चालक कारबाहीमा परेका हुन् ।
यस्तै पछिल्लो ५ महिनाको अवधिमा २९ वटा दुर्घटना भएका छन् । दुर्घटनामा परी ११ जनाको ज्यान गएको र ३२ जना गम्भीर र ३० जना सामान्य घाइते भएको जिल्ला ट्राफिक कार्यालय तनहुँले जनाएको छ ।
यस्तै चालु आवमा ६१ जनालाई मादक पदार्थ सेवन अन्तर्गत कारबाही गरिएको र ६१ हजार रुपैयाँ राजस्व संकलन गरिएको ट्राफिक कार्यालय तनहुँले जनाएको छ ।
अघिल्लो आवमा १ करोड ३४ लाख ५१ हजार राजस्व सङ्कलन भएको जिल्ला ट्राफिक कार्यालय तनहुँका प्रमुख रेशम रानाभाटले बताए । त्यस्तै २१ हजार १५० वटा सवारी कारबाहीमा परेका थिए ।
गत आवमा ३८ वटा दुर्घटना भएकोमा ४४ जनाले ज्यान गुमाएका थिए । त्यस्तै दुर्घटनामा ६३ जना गम्भीर घाइते भएका थिए भने ८५ जना सामान्य घाइते भएका थिए ।
This will close in 4 seconds
सम्बन्धित खबर
प्रेम सम्बन्ध बिग्रिएपछि युवतीको तस्वीर दुरूपयोग गरी चरित्र हत्या गर्ने युवक पक्राउ
रुपन्देहीमा कुटपिटबाट एक भारतीय मजदुरको मृत्यु
आशिका तामाङलाई पाँच दिन हिरासतमा राख्न अनुमति
रविको विपक्षमा बहस गर्ने अधिवक्ता दिनेश त्रिपाठीमाथि अदालतमै हातपात
रास्वपा सभापति रवि लामिछानेलाई साधारण तारेखमा छाड्न उनी पक्षीय वकिलले माग
थुनछेक बहसका लागि रवि लामिछानेलाई अदालत उपस्थित गराइयो
यो पनि पढौँ
स्याङ्जाका निरजलाई आठौं पटक ठेलोको उपाधि
कथा सकिने डरले चलचित्र निर्देशक बनेका गायक प्रकाश सपूत
देवघाटमा माघे सङ्क्रान्ति मेला सुरु
पर्वतको कुश्मामा कपास उद्योगमा आगलागी