पोखरा –  सोमबार पोखराका ३४ सहित गण्डकीमा थप ७९ जनामा कोरोना पुष्टि भएको छ ।

स्वास्थ्य निर्देशनालयद्वारा आज जारी विज्ञप्ति अनुसार गण्डकीका ४३८ जनामा गरिएको परीक्षण मध्ये थप ७९ जनाको रिपोर्ट पोजेटिभ आएको हो ।

आज पुष्टि भएका संक्रमित प्रदेशका ८ जिल्लाका छन् । जसअन्तर्गत पोखराका ३४ जना, तनहुँका १२ जना, लमजुङका १२ जना, नवलपुरका १७ जना, स्याङ्गजाका ५ जना, पर्वतका ३ जना, बाग्लुङका १ जना र म्याग्दी जिल्लाका १ जनाको रिपोर्ट कोरोना पोजेटिभ आएको जारी विज्ञप्तिमा जनाइएको छ ।

आज थप भएका संक्रमित संगै गण्डकीमा कोरोना संक्रमितको कूल संख्या १४ हजार १९ पुगेको छ । जसमा सक्रिय संक्रमितको संख्या १ हजार ७ सय ३६ पुगेको छ ।

पछिल्लो २४ घन्टामा गण्डकीबाट ५२ जना कोरोनामुक्त भएका छन् । यो संगै, गण्डकीबाट कोरोना संक्रमण मुक्त हुनेको संख्या १२ हजार ९६ पुगेको छ ।

पछिल्लो तीनदिनमा गण्डकीमा कोरोनाबाट मृत्यु संख्या छैन । जसअनुसार हालसम्म प्रदेशमा कोरोना संक्रमणबाट मृत्यु हुनेको संख्या १८७ नै रहेको निर्देशनालयले जनाएको छ ।