पोखरा – आइतबार पोखराका २६ सहित गण्डकीमा थप ५२ जनामा कोरोना पुष्टि भएको छ ।

प्रदेश स्वास्थ्य निर्देशनालयद्वारा आज जारी विज्ञप्ति अनुसार गण्डकीका १२१ जनामा गरिएको परीक्षण मध्ये थप ५२ जनाको रिपोर्ट कोरोना पोजेटिभ आएको हो ।

आज थपिएका संक्रमित प्रदेशका ७ जिल्लाका छन् । जसअन्तर्गत कास्कीको पोखरा महानगरपालिकाका २६, तनहुँका ४, लमजुङका ५, नवलपुरका ३, स्याङ्गजाका ६, पर्वतका ३ र म्याग्दी जिल्लाका ५ जनाको रिपोर्ट पोजेटिभ आएको जारी विज्ञप्तिमा जनाइएको छ ।

आज पुष्टि भएका संक्रमित संगै गण्डकीमा कोरोना संक्रमितको कूल संख्या १३ हजार ९ सय ८० पुगेको छ । जसमा सक्रिय संक्रमित १ हजार ७ सय ९ छन् ।

आइतबार गण्डकीबाट ८७ जना कोरोनामुक्त भएका छन् । यो संगै, गण्डकीबाट कोरोना संक्रमणबाट मुक्त हुनेको संख्या १२ हजार ४४ पुगेको छ ।

पछिल्लो ७२ घण्टामा गण्डकीमा कोरोनाबाट मृतक संख्या छैन । हालसम्म गण्डकीमा कोरोनाबाट मृत्यु हुनेको संख्या १८७ नै रहेको निर्देशनालयले जनाएको छ ।