पोखरा – शनिबार पोखराका ८३ सहित गण्डकीमा थप १५२ जनामा कोरोना पुष्टि भएको छ ।

आज गण्डकीका ६०२ जनामा गरिएको परीक्षण मध्ये थप १५२ जनामा कोरोना पोजेटिभ देखिएको प्रदेश स्वास्थ्य निर्देशनालय पोखराले जनाएको छ ।

आज थप भएका संक्रमित प्रदेशका ८ जिल्लाका छन् । जसमा कास्कीको पोखराका ८३ जना, तनहुँका ८ जना, गोरखाका २ जना, लमजङका ३९ जना, नवलपुरका ११ जना, स्याङ्गजाका २ जना, पर्वतका ४ जना र बाग्लुङ जिल्लाका ३ जनाको परीक्षण रिपोर्ट पोजेटिभ आइएको जारी विज्ञप्तिमा जनाइएको छ  ।

आज पुष्टि संक्रमित संगै गण्डकीमा कोरोना संक्रमितको कूल संख्या १३ हजार ८ सय ८८ पुगेको छ । जसमा सक्रिय संक्रमित १ हजार ७ सय ४४ छन् ।

पछिल्लो २४ घन्टामा गण्डकीबाट कोरोनामुक्त हुने र मृतक संख्या छैन । हालसम्म प्रदेशबाट कोरोनामुक्त हुनेको संख्या ११ हजार ९ सय ५७ रहेको छ भने, गण्डकीमा हालसम्म कोरोनाबाट मृत्यु हुनेको संख्या १८७ रहेको निर्देशनालयले जनाएको छ ।