पोखरा – बुधबार कास्कीका ३८ सहित गण्डकीका थप ६१ जनामा कोरोना पुष्टि भएको छ ।

आज गण्डकीका २७८ जनाको स्वाब परीक्षण गरिएकोमा थप ६१ जनाको परीक्षण रिपोर्ट पोजेटिभ आएको प्रदेश स्वास्थ्य निर्देशनालय पोखराले जनाएको छ ।

आज थपिएका संक्रमित प्रदेशका ७ जिल्लाका छन् । जसअन्तर्गत कास्कीमा ३८ जना, तनहुँमा ६ जना, गोरखामा ७ जना, लमजुङमा ५ जना, स्याङ्गजामा ३ जना, पर्वतमा १ जना र बाग्लुङ जिल्लाका थप १ जनाको परीक्षण रिपोर्ट पोजेटिभ आएको विज्ञप्तिमा जनाइएको छ ।

आज थपिएका संक्रमित संगै गण्डकीमा कोरोना संक्रमितको कूल संख्या १३ हजार ५ सय ८३ जना पुगेको छ भने, प्रदेशमा सक्रिय संक्रमितको संख्या १ हजार ६ सय ३२ पुगेको छ ।

पछिल्लो २४ घन्टामा गण्डकीबाट ३७ जना कोरोनामुक्त भएका छन् । यो संगै, प्रदेशमा हालसम्म कोरोनामुक्त भएर घर फर्किनेको संख्या ११ हजार ७ सय ६५ पुगेको छ ।

बुधबार गण्डकीमा थप दुई जनाको मृत्यु पुष्टि भएको छ । मृतकहरु पोखरा महानगरपालिका वडा नं -१२ निवासी ८४ वर्षीय वृद्ध र पोखरा -१ का ७६ वर्षीय वृद्ध रहेका छन् ।

आज थप भएका दुई मृतक संगै गण्डकीमा हालसम्म कोरोना संक्रमणका कारण मृत्यु हुनेको संख्या १८४ पुगेको निर्देशनालयका प्रमुख डा. विनोद विन्दु शर्माले जानकारी दिए ।