पोखरा – आइतबार कास्कीका ५४ सहित गण्डकीमा थप ८४ जनामा कोरोना पुष्टि भएको छ । स्वास्थ्य निर्देशनालयद्वारा आज जारी विज्ञप्ति अनुसार गण्डकीका ३७५ जनामा गरिएको परीक्षणमा थप ८४ जनाको रिपोर्ट कोरोना पोजेटिभ आएको हो ।

आज पुष्टि भएका संक्रमित प्रदेशको जिल्लाका छन् । जसअन्तर्गत कास्कीमा ५४, तनहुँमा १२, गोरखामा १, लमजुङमा ५, स्याङ्गजामा ४, पर्वतमा १, बाग्लुङमा ६ र म्याग्दी जिल्लाका १ जनाको रिपोर्ट पोजेटिभ आएको जारी विज्ञप्तिमा जनाइएको छ ।

आज थपिएका संक्रमित संक्रमित संगै गण्डकीमा कोरोना संक्रमितको कूल संख्या १३ हजार ३ सय ५५ पुगेको छ ।

पछिल्लो २४ घन्टामा गण्डकीबाट एकैपटक ३ हजार ९ सय ७३ जना कोरोनामुक्त भएका छन् । गण्डकीमा एकै पटक ठूलो संख्यामा कोरोनामुक्त हुनेको संख्या यो पहिलो हो । यो संगै, कोरोना संक्रमणलाई जितेर घर फर्किनेको संख्या ११ हजार ६ सय ७१ पुगेको छ ।

कोरोना मुक्त भई घर फर्किनेको संख्या बढे संगै गण्डकीमा सक्रिय संक्रमितको संख्या १ हजार ४ सय ८० मा झरेको छ ।

आइतबार पनि गण्डकीमा थप २ जनाको मृत्यु पुष्टि भएको छ । मृत्यु हुनेमा पोखरा महानगरपालिका -१७ निवासी ७४ वर्षीया वृद्ध र तनहुँ जिल्ला म्याग्दे गाउँपालिका -२ निवासी ६० वर्षीय पुरुष रहेका छन् । यो संगै, गण्डकीमा कोरोना संक्रमणका कारण ज्यान गुमाउनेको संख्या १८४ पुगेको निर्देशनालयका प्रमुख डा .विनोद विन्दु शर्माले जानकारी दिए ।