पोखरा – बिहीबार पोखराका ६१ सहित गण्डकीमा थप १०३ जनामा कोरोना पुष्टि भएको छ ।

प्रदेश स्वास्थ्य निर्देशनालयद्वारा आज जारी विज्ञप्ति अनुसार गण्डकीका २९३ जनामा गरिएको परीक्षण मध्ये थप १०३ जनाको रिपोर्ट पोजेटिभ आएको हो ।

आज थपिएका संक्रमित प्रदेशका ९ जिल्लाका छन् । जसअन्तर्गत कास्कीको पोखरामा ६१, तनहुँमा ४, गोरखामा ६, लमजुङमा १८, नवलपुरमा १, स्याङ्गजामा २, पर्वतमा ३, बाग्लुङमा ७ र मुस्ताङ जिल्लाका १ जनाको परीक्षण रिपोर्ट पोजेटिभ आएको जारी विज्ञप्तिमा जनाइएको छ ।

आज थप भएका संक्रमित संगै गण्डकीमा कोरोना संक्रमितकि कूल संख्या १३ हजार ७९ पुगेको छ । जसमा सक्रिय संक्रमित ५ हजार ३ सय ३८ छन् भने, होम आइसोलेसनमा बस्नेको संख्या ४ हजार १ सय ८७ पुगेको छ।

पछिल्लो २४ घन्टामा गण्डकीबाट डिस्चार्ज हुनेको संख्या छैन । हालसम्म कोरोना संक्रमणमुक्त हुनेको संख्या ७ हजार ५ सय ६१ नै रहेको छ ।

बिहीबार पनि गण्डकीमा थप ४ जना कोरोना संक्रमितको मृत्यु पुष्टि भएको छ ।

आज मृत्यु पुष्टि हुनेमा कास्की जिल्ला पोखरा महानगरपालिका १०- का ८१ वर्षीय वृद्ध, पोखरा -१३ का ५१ वर्षीय पुरुष, पोखरा -७ का ६५ वर्षीय वृद्ध र तनहुँ जिल्ला शुक्लागण्डकी नगरपालिका -८ निवासी ७४ वर्षीय वृद्ध रहेका छन् ।

आज थप भएका मृतक संगै गण्डकीमा कोरोना संक्रमणका कारण ज्यान गुमाउनेको संख्या १८० पुगेको निर्देशनालयले जनाएको छ ।

गण्डकी प्रदेशका अस्पतालहरुमा आइसीयु र भेन्टिलेटरको अवस्था

संक्रमित र मृतकको विवरण विस्तृतमा हेर्नुहोस् !