पोखरा – मंगलबार कास्कीका ९३  सहित गण्डकीमा थप १२२ जनामा कोरोना पुष्टि भएको छ ।

स्वास्थ्य निर्देशनालयद्वारा आज जारी विज्ञप्ति अनुसार गण्डकीका ५८७ जनामा गरिएको परीक्षण मध्ये थप १२२ जनाको रिपोर्ट पोजेटिभ आएको हो ।

आज थपिएका संक्रमित प्रदेशका ८ जिल्लाका छन् । जसमा कास्कीमा ९३, तनहुँमा ८, गोरखामा १, नवलपुरमा ११, स्याङ्गजामा ४, पर्वतमा १, बाग्लुङमा ३, र म्याग्दी जिल्लाका १ जनाको परीक्षण रिपोर्ट पोजेटिभ आएको जारी विज्ञप्तिमा जनाइएको छ ।

आज पुष्टि भएका संक्रमित संगै गण्डकीमा कोरोना संक्रमितको संख्या १२ हजार १ सय ८० पुगेको छ ।

मंगलबार पनि गण्डकीबाट १३८ जना कोरोना मुक्त भएका छन् । यो संगै, कोरोनाबाट मुक्त हुनेको संख्या ७ हजार २ सय १० पुगेको छ ।

यस्तै आज पनि कोरोना संक्रमणका कारण गोरखा जिल्ला गोरखा नगरपालिका -६ निवासी ७५ वर्षीया वृद्धाको मृत्यु पुष्टि भएको छ  । यो संगै, प्रदेशमा कोरोना संक्रमणका कारण ज्यान गुमाउनेको कूल संख्या १६० पुगेको निर्देशनालयले जनाएको छ ।

विस्तृतमा हेर्नुहोस् –