स्वास्थ्य निर्देशनालय गण्डकीले गण्डकी प्रदेशभित्र कोरोना व्यवस्थापन गर्ने उत्कृष्ट ११ स्थानीय तहलाई सूचीकृत गरेको छ। स्वास्थ्य निर्देशनालयले ११ जिल्लाबाट एक-एक स्थानीय तहलाई महामारी व्यवस्थापनमा उत्कृष्ट कार्य गर्नेको सूचीमा समावेश गरेको हो।

उत्कृष्ट व्यवस्थापन गर्नेमा कास्कीको पोखरा महानगरपालिका, पर्वतको जलजला गाउँपालिका, म्याग्दीको मङ्गला गाउँपालिका, मुस्ताङको घरपझोङ गाउँपालिका, स्याङ्जाको पुतलीबजार नगरपालिका, तनहुँको देवघाट गाउँपालिका, लमजुङको सुन्दरबजार नगरपालिका, मनाङको चामे गाउँपालिका, गोरखाको आरुघाट गाउँपालिका र नवलपुरको देवचुली नगरपालिका छन्।

भौतिक पूर्वाधार विकास मन्त्रालयले महामारी व्यवस्थापनमा उत्कृष्ट काम गर्ने स्थानीय तहको सूची माग गरेपछि विभिन्न कामका आधारमा ११ स्थानीय तह छनोट गरेर सूची तयार पारिएको स्वास्थ्य निर्देशनालयले जनाएको छ।

महामारीको समयमा क्वारेन्टाइन व्यवस्थापन, संक्रमितको उपचार तथा उद्धार महामारी रोक्नका लागि गरिएको प्रयासलगायतका सूचकका आधारमा उनीहरुको मूल्यांकन सदरमुकाममा रहेका स्वास्थ्य कार्यालयहरुले गरेका थिए।