जेसीआई पोखरा नेपाल (पोखरा जेसिज) को सन् २०२१ का लागि अध्यक्षमा किरण केसी निर्विरोध चयन भएका छन् ।

पोखरामा लामो इतिहास बोकेको पूरानो मध्येको संस्था पोखरा जेसिजको ४१ औं अधिवेशन तथा ४६ औं बार्षिक साधारणसभाााले केसीको अध्यक्षतामा नयाँ समिति निर्वाचित गरेको हो । जेसीजमा लामो समयदेखि सक्रिय केसी विभिन्न पदमा रहेर सफलतापूर्वक कार्यसम्पादन गरिसकेका छन् । उनी पोखराको ला ग्राण्डी कलेजका प्रिन्सिपल पनि हुन् ।

महासचिवमा भाइराज राना, कार्यकारिणी उपाध्यक्षमा सन्देश पराजुली, कानूनी सल्लाहकारमा देवराज शर्मा, कोषाध्यक्षमा कुशल पौडेल र सचिवमा प्रकाश घिमिरे चयन भएका छन् । ४ जना उपाध्यक्ष र ४ जना निर्देशक पनि चयन गरिएकाे छ । अन्य पदहरूमा समेत मनोनयन गरिएको छ । सल्लाहकारमा सन्तोष शाही मनोनित भएका छन् ।

अधिवेशन निर्देशक सन्तोष शाही, निर्वाचन आयुक्त शिव सुवेदी थिए । अधिवेशनको मूख्यमन्त्री पृथ्बीसुब्बा गुरुङले शुक्रबार नै उद्घाटन गरेका थिए । शनिबार पोखरा ११ रानीपौवा पुरानो धारा स्थित रहेको संस्थाको सचिवालय भवनको पोखरा महानगरका मेयर मानबहादुर जिसीले उद्घाटन गरेका छन् ।