तनहुँ । तनहुँको आँबुखैरेनी गाउँपालिकाको पौवामा चितुवा फलामको खोरमा परेको छ । शनिबार बिहान आँबुखैरेनी-२ स्थित पौवाको बनमा राखिएको फलामे खोरमा चितुवा परेको हो ।

सोहि फलामे खोरमा यसअघि ४ वटा चितुवा परेको र यो पाँचौ भएको सहायक बन अधिकृत सुरेश कुमार भुजेलले बताए । उनले अगाडि भने ‘ जिल्लामा भने खोरमा पर्ने यो दशौँ चितुवा हो ।’

’चितुवा अन्दाजी १२ देखि १३ वर्षको र ४० किलोग्राम जति तौल भएको देखिन्छ ।’ भुजेलले भने ’यो भाले चितुवा हो र यसको जिल्ला बाहिर व्यवस्थापन गर्ने तयारि भईरहेको छ ।’

उक्त चितुवा मान्छे खाने चितुवा हो या होइन त्यो भनेर अहिले नै एकिन हुन नसकेको सहायक बन अधिकृत भुजेलको भनाई छ । तर हेर्दा एकदम आक्रामक देखिने उनले बताए ।

तनहुँको भानु नगरपालिका हुदै आबुखैरेनी गाउँपालिका, व्यास नगरपालिका, शुक्लागण्डकी नगरपालिका र बन्दिपुर गाउँपालिका क्षेत्रमा चितुवाले पछिल्लो केहि समय अघि आतंक मच्याएको थियो ।

भिडियो :

https://youtu.be/1WXtF6frqhs