तनहुँ । जिल्ला प्रहरी कार्यालय तनहुँले छापबाट नगदसहित कौडा खेल्ने १४ जनालाई पक्राउ गरेको छ ।

पक्राउ पर्नेमा भिमसेन भन्ने रोल बहादुर सुनार, भक्त बहादुर थापा मगर, प्रजुन बस्नेत, भरत कामी, हिक्मत शेराला, लक्ष्मण कपाली, राज कुमार कपाली, राजु पौडेल, सन्त बहादुर थापा, सुरज सुनार, विकास बि।क, रवि कपाली, महेश कपाली र मनिष थापा रहेका छन् ।

उनीहरुको साथबाट नेपाली नगद ५५ हजार ६०५ रुपैयाँ, कौडा १६ थान, चकटी १ वटा, गुन्द्री १ वटा बरामद भएको जिल्ला प्रहरी कार्यालय तनहुँका प्रहरी नायव उपरीक्षक युवराज तिमिल्सिनाले जानकारी दिए ।

गत मङ्सिर २ गते मंगलबार राती जिल्लाको बन्दिपुर गाउँपालिका वडा नं १ छाप स्थितमा रविन पौडेलको खालि घरबाट कौडा खेली रहेको अवस्थामा प्रहरीले उनीहरुलाई पक्राउ गरेको हो ।

गोप्य सुचनाको आधारमा ईलाका प्रहरी कार्यालय भानु मुकाम डुम्रेबाट प्रहरी निरीक्षक प्रकाश भुषालको कमाण्डमा ९ जनाको टोली खटी गई कौडा,नगद तथा कौडा खेल्दा प्रयोग गरेको उक्त सामानहरु बरामद गरेको हो ।