तनहुँ । तनहुँको कबाजितबेसिबाट १५ जना जुवाडे पक्राउ परेका छन ।

जिल्ला प्रहरीकार्यालय तनहुँका अनुसार भानु-१२ कबाजितबेसिबाट १५ जना जुवाडे पक्राउ परेका हुन ।

आइतबार बिहान करिब २ बजेको समयमा ३ लाख ७५ हजार ६३० रुपैयाँसहित जुवाडे पक्राउ परेको जिल्ला प्रहरी कार्यालय तनहुँ प्रहरी नायब उपरीक्षक युवराज तिमिल्सिनाले जानकारी दिए ।

उनले भने ‘अहिले सबै नियन्त्रणमै छन ।’

कवाचित स्थित उमेश अधिकारीको बारीमा रहेको कटेजमा जुवा(कौडा) खेली रहेको भन्ने गोप्य सुचनाको आधारमा प्रहरीले नगदसहित उनीहरुलाई पक्राउ गरेको हो ।

पक्राउ पर्नेमा सन्तोष खडका, बलराम अधिकारी, उत्तम पण्डित, अमृत श्रेष्ठ, खड्ग बहादुर गुरुङ, चन्द्र बहादुर शाही, सुमन खनाल, रामु मल्ल, हरी खडका, राम गुरुङ, आस कुमार श्रेष्ठ, रामलाल गुरुङ, विष्णु बहादुर भण्डारी, शिव कुमार श्रेष्ठ र पुरन गुरुङ रहेका छन् ।

उनीहरुको साथबाट कौडा १६ थान, चकटी २ वटा, त्रिपाल १ वटा, गुन्द्री २ वटा, काम्लो १ वटा, नाङलो १ वटा र सुनको जस्तो पहेलो धातुको औठी १ थान फेला प्रहरीले जनाएको छ ।