पोखरा – कोरोना संक्रमणका कारण पोखराका थप दुई जनाको मृत्यु पुष्टि भएको छ । स्वास्थ्य निर्देशनालयको पछिल्लो अद्यावधिक विवरण अनुसार थप दुई जनाको मृत्यु पुष्टि भएको हो ।

मृत्यु पुष्टि हुने मध्ये पोखरा महानगरपालिका वडा नं -२५ का ७० वर्षीय पुरुष रहेका छन् ।

गत कार्तिक १८ गते कोरोना संक्रमण पुष्टि भएर गण्डकी मेडिकल कलेज भर्ना भएका उक्त पुरुषको उपचारका क्रममा शुक्रबार बिहान ११:१५ बजे मृत्यु भएको अस्पतालले जनाएको छ ।

यस्तै होम आइसोलेसनमा बसेका पोखरा -२० का ८३ वर्षीय पुरुषको कोरोना संक्रमणका कारण मृत्यु पुष्टि भएको छ ।  गत कार्तिक २६ गते कोरोना पुष्टि भएर घरमै आइसोलेसनमा बसेका पुरुषको बिहीबार मृत्यु भएको निर्देशनालयको विज्ञप्तिमा उल्लेख छ ।

आज नै यसअघिको विज्ञप्तिमा पोखराका दुई जना कोरोना संक्रमितको मृत्यु पुष्टि भइसकेको छ  ।

यो संगै, गण्डकीमा कोरोना संक्रमणका कारण मृत्यु हुनेको संख्या ११८ पुगेको छ  ।