पोखरा – बिहीबार गण्डकीमा थप २०० जनामा कोरोना पुष्टि भएको छ । थपिएका संक्रमित संगै गण्डकीमा कोरोना संक्रमितको कूल संख्या ९९०३ पुगेको छ ।

स्वास्थ्य निर्देशनलयद्वारा बुधबार प्रकाशित विज्ञप्ति अनुसार पछिल्लो २४ घन्टामा ६४७ जनामा गरिएको परीक्षणमा थप २०० जनाको परीक्षण रिपोर्ट कोरोना पोजेटिभ आएको हो ।

संक्रमितहरु कास्की, तनहुँ, गोरखा, लमजुङ, नवलपुर, स्याङ्गजा, पर्वत, बाग्लुङ, म्याग्दी र मुस्ताङ जिल्लाका छन्। जस अनुसार कास्कीमा ६९ जना, तनहुँमा ४७ जना, गोरखा   मा २ जना, लमजुङमा ८ जना, नवलपुरमा ४८ जना, स्याङ्गजामा १२ जना, पर्वतमा ५ जना, बाग्लुङमा ५ जना, म्याग्दीमा १ जना र मुस्ताङका ३ जनामा कोरोना पुष्टि भएको जारी विज्ञप्तिमा उल्लेख छ ।

यस्तै पछिल्लो २४ घन्टामा गण्डकीमा ९ जना कोरोना मुक्त भएका छन् । यो संगै, कोरोना संक्रमणबाट निको भई घर फर्कनेको संख्या ४९७९ पुगेको छ ।

कोरोना संक्रमणका कारण बिहीबार पनि ७५ वर्षीया महिलाको मृत्यु भएको छ । यो संगै, गण्डकीमा कोरोना संक्रमणका कारण ज्यान गुमाउनेको संख्या ११४ पुगेको छ ।