गण्डकी प्रदेशमा उत्पादनशील उमेर समूहका सबैभन्दा धेरै संक्रमित भएका छन् ।  गण्डकी प्रदेश स्वास्थ्य निर्देशनालयका अनुसार प्रदेशका संक्रमित मध्ये सबैभन्दा धेरै उत्पादनशील २० देखि ४० वर्ष उमेर समूहमा पर्ने युवाउमेर समूहका छन् ।

प्रदेश स्वास्थ्य निर्देशनालयका अनुसार २० देखि ३० वर्ष उमेर समूहका सबैभन्दा बढी कोरोना संक्रमित भएका छन् । गण्डकी प्रदेशमा कुल संक्रमितको २७.१८ प्रतिशत संक्रमित २० देखि ३० वर्ष उमेर समूहका रहेका हुन् ।

गण्डकी प्रदेशमा हालसम्म कुल ९ हजार १ सय ५८ जना कोरोना संक्रमित भएकोमा २० देखि ३० वर्ष उमेर समूहका २ हजार ४ सय ९० जना संक्रमित भएको गण्डकी प्रदेश स्वास्थ्य निर्देशनालयले जनाएको छ । सो उमेर समूहका संक्रमित मध्ये १ हजार ७ सय ९९ जना पुरुष र ६ सय ९१ जना महिला संक्रमित भएका छन् ।

 सबैभन्दा कम ९० देखि १०० वर्ष उमेर समूहका छन् । यो उमेर समूहमा ५ जना पुरुष र २ जना महिलासहित ७ जना संक्रमित रहेका छन् । यो कुल संक्रमित संख्याको ०.०७६ प्रतिशत हो ।