नेपालमा अहिलेसम्म कोरोनाबाट १ हजार ८७ जनाले ज्यान गुमाएका छन् । त्यसमध्ये गण्डकी प्रदेशमा १०३ जनाको मृत्यु भएको छ । कार्तिक २० गतेसम्म पोखरा महानगरपालिकाको तथ्यांकमा मृतकको संख्या ५४ पुगेको छ । त्यसमध्ये पनि पोखराका मात्रै ३५ छन् । पोखरा बाहिर जिल्लाबाट आएका १९ जनाको यहाँ नै मृत्यु भएको छ ।

पोखरामा हालसम्म ३ हजार ४ सय १२ जना कोरोनाबाट संक्रमित भएका छन् । यसमा २२ सय ३९ पुरुष र ११ सय ७३ महिला छन् । हाल २ हजार २ सय ३५ जना सकृय संक्रमित रहेका छन् भने १ हजार १ सय २३ जना कोरोना संक्रमित निको भएका छन् ।

पोखरामा बाहिरका कुल २५० जना संक्रमित भएकोमा हाल २०८ सकृय केस रहेका छन् । उनीहरु मध्ये २३जना निको भएर घर फर्किएका छन् भने १९ जनाको मृत्यू भएको महानगरपालिकाले जनाएको छ । तर, स्वास्थ्य निर्देशनालय गण्डकीले भने कास्कीमा कार्तिक २२ गतेसम्म जम्मा ४२ जनाको मृत्यु भएको देखाएको छ ।