लमजुङ – मुख्यमन्त्री पृथ्वीसुब्बा गुरुङले बुधबार क्व्होलोसोंथर गाउँपालिका स्थित मालिङ -२ मा गाउँपालिकाको प्रशासकीय भवनको शिलान्यास गरेका छन् ।

भवनको शिलान्यास गर्दै मुख्यमन्त्री गुरुङले ‘प्रदेशमा पालिकाको भवन नहुँदा विभिन्न समस्या भइरहेकाले विभिन्न पालिकाहरुको भवन निर्माणमा प्रदेश सरकार लागेको बताए ।’

चार करोड १९ लाख ७४ हजार रुपैयाँको लागतमा बन्न लागेको गाउँपालिकाको उक्त भवन निर्माणका लागि गण्डकी प्रदेश सरकारले एक करोड र गाउँपालिकाले ७४ लाख रुपैयाँ छुटयाएको छ । भने, अपुग रकम प्रदेश सरकार र गाउँपालिकाले थप्दै जाने छ ।

तीन आना निशुल्क जग्गा दान र गाउँपालिकाले १० लाख रुपैयाँमा खरिद गरीएको जग्गा सहित उक्त तीन रोपनी क्षेत्रफलको जग्गामा ३६ कोठा सहितको तीन तले पक्की भवन निर्माण हुनेछ ।

भवन निर्माणको जिम्मा लिएको कम्पनीले विसं. २०७९ असोजसम्म निर्माण सक्ने गरी सम्झौता गरेको छ ।