तनहुँ । जिल्ला प्रहरी कार्यालय तनहुँले खैरेनीटारबाट ७ जना जुवाडेलाई पक्राउ गरेको छ ।

कार्तिक १८ गते मंगलबार बेलुका शुक्लागण्डकी नगरपालिका वडा नं ६ खैरेनीटार स्थित सापकोटा होटेल घरमा जुवा खेलिरहेका छ भन्ने गोप्य सुचनाको आधारमा गएको प्रहरीको टोलिले उनीहरुलाई पक्राउ गरेको हो ।

पक्राउ पर्नेमा जुवा खेल्ने र खेलाउनेसहित जिल्लाको शुक्लागण्डकी-११ बस्ने दिपक श्रेष्ठ, दिपक बि.क, शंकर शर्मा, कमल थापा ,जिल्लाको व्यास-१० बस्ने मोती कुमार श्रेष्ठ, बाग्लुङको ढोरपाटन-४ बस्ने टेक छन्त्याल र पर्वत बालको- ४ बस्ने रबि गुरुङ रहेका छन् ।

जिल्ला प्रहरी कार्यालय तनहुँबाट प्रहरी नायव उपरीक्षक युवराज तिमिल्सिनाको कमाण्डमा १० जना र ईलाका प्रहरी कार्यालय बेलचौताराको टोलिले जुवाडेलाई नगदसहित पक्राउ गरेको हो ।

उनीहरुको साथबाट १ लाख ९७ हजार ९५० रुपैयाँ र एक बुक तास बरामद भएको जिल्ला प्रहरी कार्यालय तनहुँका प्रहरी नायव उपरीक्षक युवराज तिमिल्सिनाले जानकारी दिए ।

जुवाडेलाई नियन्त्रणमा लिएर जुवा कसुर अन्तरगत थप अनुसन्धान भईरहेको प्रहरी नायव उपरीक्षक तिमिल्सिनाले बताए ।