गण्डकी प्रदेशमा कोरोनाबाट मृत्यु हुनेको संख्या ५४ पुगेको छ । पोखरामा थप १ जनाको कोरोना भाइरस संक्रमणबाट ज्यान गएको छ । पोखरा महानगरपालिका वडा नम्बर ३ की ५६ वर्षीया महिलाको कोरोनाबाट ज्यान गएको हो । ३० असोजमा मृत्यु भएका उनको मृत्यु निर्देशनालयले सोमबार पुष्टि गरेको हो । ती वृद्धमा कोभिडसँगै दम र निमोनियाको समस्या थियो ।

नवलपरासी (ब.सु.पू) गैंडाकोट १२ का ८५ वर्षीय वृद्धको कोरोना संक्रमणबाट असोज ३० गते साँझ ५ गते ज्यान गएको छ । चितवन मेडिकल कलेज, चितवनमा गरिएको परीक्षणका क्रममा उनलाई असोज २६ गते कोरोना भाइरस संक्रमण पुष्टि भएको थियो । मृतक वृद्धलाई दम तथा निमोनियाको समस्या समेत रहेको स्वास्थ्य निर्देशनालयले जानकारी दिएको छ ।

योसंगै गण्डकी प्रदेशमा कोरोना संक्रमणबाट ज्यान गुमाउनेको कुल संख्या ५४ पुगेको छ ।  गण्डकीमा हालसम्म कोरोनाबाट मृत्यु हुनेमा कास्कीका १६, नवलपुरका ११, तनहुँका ९, गोरखाका ७, स्याङ्जाका ५, बागलुङका ४, लमजुङ १, म्याग्दीका १ जना छन् ।