लमजुङको बेंसीसहर नगरपालिका २, घर भएका ५६ वर्षीय पुरुषको कोरोना संक्रमणबाट पोखरामा मृत्यु भएको छ । पोखरा स्वास्थ्य विज्ञान प्रतिष्ठान, पश्चिमाञ्चल क्षेत्रीय अस्पताल अन्तर्गत कोभिड १९ उपचार केन्द्रमा आईसीयुमा उपचार गराइरहेका उनको मंगलबार दिउँसो ४ बजेर २३ मिनेट जाँदा मृत्यु भएको हो ।
अस्पताल निर्देशक सह–प्राध्यापक डा. अर्जुन आचार्यद्वारा जारी विज्ञप्तिमा असोज १८ गते कोभिड संक्रमण भई उपचार केन्द्रको आईसीयुमा भर्ना गरी उपचार गराइरहेका ती व्यक्तिको मृत्यु भएको उल्लेख छ ।
ती व्यक्तिमा कोभिड १९, मुटुको समस्या, मधुमेहको समस्या रहेको आचार्यद्वारा जारी विज्ञप्तिमा उल्लेख छ ।कोभिड १९ पोजिटिभ भएर प्रतिष्ठानमा मृत्यु भएको उनी १२ औं व्यक्ति रहेको अस्पतालले जनाएको छ ।
योसहित गण्डकी प्रदेशमा कोरोना संक्रमणबाट मृत्यु हुनेको संख्या ४१ पुगेको छ । मृत्यु हुनेमा कास्कीका १२, नवलपुरका ९, गोरखाका ७, तनहुँका ५, स्याङ्जाका ४, लमजुङका २, बागलुङ र म्याग्दीका १/१ जना छन् ।
पोखरामा कार्यरत सवारी चालक सहित गण्डकी प्रदेशमा थप १७ जनालाई कोरोना पुष्टि
पोखरामा १ सहित गण्डकी प्रदेशमा १७ जनालाई कोरोना भाइरस संक्रमण पुष्टि भएको छ। पहिलो विज्ञप्ति अनुसार क्षयरोग उपचार केन्द्र, पोखरामा गरिएको परिक्षणमा गण्डकी प्रदेशमा २ जिल्लाका १७ जनामा संक्रमण पुष्टि भएको हो ।
स्वास्थ्य निर्देशनालयले दिएको जानकारी अनुसार पोखरा महानगरपालिका वडा नम्बर २७ का १ जनालाई संक्रमण पुष्टि भएको छ । संक्रमित ३४ वर्षीय पुरुष हुन् । उनी क्षयरोग उपचार केन्द्र पोखरामा सवारी चालकका रुपमा कार्यरत रहेका छन् ।
गोरखामा १६ जनालाई कोरोना संक्रमण पुष्टि भएको छ । संक्रमित सबै गण्डकीका हुन् । जिल्लाका सबै संक्रमित कन्ट्याक्ट ट्रेसिङका माध्यमबाट पहिचान भएका हुन् ।
पोखराका विभिन्न अस्पतालका कर्मचारी तथा बिरामीलाई कोरोना, पोखरामा थप ४६ जना सहित गण्डकीमा एकैपटक ५३ संक्रमित थपिए
पोखरामा ४६ सहित गण्डकी प्रदेशमा ५३ जनालाई कोरोना भाइरस संक्रमण पुष्टि भएको छ। चौथो र पाचौ विज्ञप्ति अनुसार क्षयरोग उपचार केन्द्र, पोखरा स्वास्थ्य बिज्ञान प्रतिष्ठान पोखरामा गरिएको परिक्षणमा गण्डकी प्रदेशमा ६ जिल्लाका ५३ जनामा संक्रमण पुष्टि भएको हो ।
गण्डकी प्रदेश स्वास्थ्य निर्देशनालयका अनुसार पोखरा संक्रमण पुष्टि हुनेहरुमा पोखराको चरक मेमोरियल अस्पतालमा कार्यरत २४ वर्षीया महिला स्वास्थ्यकर्मी र उपचाररत ४ पुरुष, गण्डकी मेडिकल कलेजमा उपचाररत ३ पुरुष र २ महिला, पोखरा वडा नं. २ का १ पुरुष, वडा नं.४ का ३ पुरुष, वडा नं. ५ का १ बालिका र १ महिला, वडा नं. ७ का ४ पुरुष, वडा नं. ८ का २ पुरुष र १ महिला, वडा नं.९ का ६ जना पुरुष, वडा नं.१० का ३ जना पुरुष, वडा नं. ११ का १ पुरुष, वडा नं.१३ का १ पुरुष र १ महिला, वडा नं.१७ का ४ पुरुष र २ महिला, वडा नं.२६ का १ पुरुष, वडा नं. ३२ का १ पुरुष तथा वडा नखुलेका २ महिला र उमेर नखुलेका १ पुरुष रहेका छन ।
तनहुँमा थप एक जना कोरोना संक्रमित थपिएको छ । जिल्लाको आबुँखैरेनी गाउँपालिकामा बुधबार थप १ जना महिलमा कोरोना संक्रमण पुष्टि भएको हो । आबुँखैरेनी-६ की ५९ वर्षीया महिलामा कोरोना संक्रमण पुष्टि भएको स्वास्थ्य निर्देशनालय गण्डकीले जनाएको छ ।
त्यसै गरी नेपाल आर्मीमा कार्यरत वागलुङका २३ वर्षीय पुरुष र वडा नखुलेका १ पुरुष, लमजुङका वडा नखुलेका १ पुरुष, स्याङजा पुतलीवजार २ र ४ का २ पुरुषमा कोरोना संक्रमण पुष्टि भएको निर्देशनालयले जनाएको छ ।
