पोखरा । स्याङ्जा भिरकोट २ कि कोरोना संक्रमित ५२ वर्षीया महिलाको पोखरामा मृत्यु भएको छ । ती महिला असोज २६ गते पोखरा स्वास्थ्य विज्ञान प्रतिष्ठान ९पश्चिमाञ्चल क्षेत्रीय अस्पताल० मा आइसियुमा भर्ना भएकी थिइन् ।

बुधबार बिहान ९ः३४ मा उपचारको क्रममा उनको निधन भएको अस्पतालका निर्देशक सह प्रा. डा. अर्जुन आचार्यले जानकारी दिए ।

उनलाई कोरोनासँगै हाइपोथेरोडिज्म तथा हाइपरटेन्सन जस्ता समस्या भएको अस्पतालले जनाएको छ । पोखरा स्वास्थ्य विज्ञान प्रतिष्ठानमा कोरोना पोजेटिभ भई उपचारको क्रममा मृत्यु हुनेको संख्या १३ पुगेको छ ।

यसअघि, हिजो लमजुङको बेंसीसहर नगरपालिका २ घर भएका ५६ वर्षीय पुरुषको कोरोना संक्रमणबाट पोखरामा मृत्यु भएको थियो । असोज १८ गते कोभिड संक्रमण भई उपचार केन्द्रको आईसीयुमा भर्ना गरी उपचार गराइरहेका ती व्यक्तिको मंगलबार दिउँसो ४ बजेर २३ मिनेट जाँदा मृत्यु भएको हो ।