सरकारले कोरोना भाइरस पहिचान गर्नको लागि एन्टिजेन (एन्टिजेन बेस्ड टेस्ट) किटमार्फत परीक्षण गर्न अनुमति दिएको छ । यस विधिबाट गरिने परीक्षण शुल्क एक हजार रुपैयाँ तोकिएको स्वास्थ्य मन्त्रालयले जनाएको छ ।

मन्त्रालयका प्रवक्ता गौतमले एन्टिजेन किटमार्फत कोरोना परीक्षण गर्दा अधिकतम एक हजार रुपैयाँमात्रै शुल्क लिने व्यवस्था गरिएको बताउनुभयो । उहाँले शुल्क समयअनुकुल परिमार्जन गर्दै लगिने बताए । एकै पटक ठुलो संख्यामा परिक्षण गर्न एन्टिजिन टेष्ट गरिने गौतमको भनाई छ।

‘धेरै भिडभाड हुने ठाउँमा र अर्जेन्ट रिपोर्ट चाहिएको खण्डमा पनि यो उपयोगी हुने देखिन्छ’, डा. गौतमले जनाए, ‘धेरै मानिस बस्ने ब्यारेकलगायतका ठाउँ र अप्रेशन गर्नुपर्ने बिरामीको कोरोना परीक्षण गर्नुपरेमा यो १० मिनेटमा रिपोर्ट आउने भएकाले उपयुक्त हुनेछ ।’

यस्तै प्रवक्ता गौतमले राष्ट्रिय जनस्वास्थ्य प्रयोगशाला टेकुले अनुमति दिएका प्रयोगशालाले मात्र परीक्षण गर्न पाउने बताए । यसैबीच सरकारले कोरोना भाइरसको जोखिम लगातार बढिरहेको भन्दै जनस्वास्थ्यका सबै मापदण्ड अनिवार्य पालना गर्न आग्रह गरेको छ । देशभरका सात सय ५३ वटै पालिकालकाई जनस्वास्थ्यका मापदण्ड पूर्णरुपमा पालना गर्नरगराउन निर्देशन दिइएको स्वास्थ्य मन्त्रालयले जनाएको छ ।

एन्टिजिन टेष्टमा नतिजा

एन्टिजिन टेष्टमा नतिजा नेगेटिभ आए संक्रमण नभएको ठानिने छ भने नेगेटिभ आएमा लक्षणको मुल्याङक गरिने छ। प्रवक्ता गौतमले नेगेटिभ आएर लक्षण नभएमा केही समय पर्खिने तर पीसीआर नगर्ने बताए।

‘लक्षण भएमा आइसोलेसनमा राख्ने र पीसीआर गरिने बताए। ‘सम्बन्धित मान्छेको लक्षणहरु सोध्छौं। लक्षण छैन भने हामी पर्खन्छौं। पीसीआर गर्दैनौं। लक्षण छ भने हामी आइसोलेट गर्ने र पीसीआर जुनबेला सम्म एन्टिजिन टेष्ट दोहोर्‍याइदैन। पोजेटिभ आएमा आइसोलेसनमा राख्छौ र नेगेटिभ आएमा अरु कारणहरु खोज्छौं। किनभने यो लक्षण भएका बिरामीमा गर्ने हो,’ उनले भने।