पोखरामा २९ सहित गण्डकी प्रदेशमा १२६ जनालाई कोरोना भाइरस संक्रमण पुष्टि भएको छ। पहिलो दोस्रो तेस्रो विज्ञप्ति अनुसार क्षयरोग उपचार केन्द्र, पोखरा स्वास्थ्य बिज्ञान प्रतिष्ठान र चितवन मेडिकल कलेज चितवनमा गरिएको परिक्षणमा गण्डकी प्रदेशमा ६  जिल्लाका १२६ जनामा संक्रमण पुष्टि भएको हो ।

कोरोना पुष्टि हुनेमा कास्कीका २९ जना, नवलपुरका ६०  जना, तनहुँका २६ जना, बागलुङका  ७ जना, स्याङजाका १ जना  र लमजुङका २ जना गरी  प्रदेशका ५ जिल्लामा १ सय २६ जना छन् । कास्कीका संक्रमित सबै पोखरा महानगरपालिकाका हुन् ।

संक्रमण पुष्टि हुनेमा पोखराको स्वास्थ्य विज्ञान प्रतिष्ठानका ३० र ३१ वर्षका पुरुष  चिकित्सक, ओम अस्पतालमा उपचाररत २८ वर्षीय पुरुष तथा चारक मेमोरियल अस्पतालमा उपचाररत ३१ वर्षीय पुरुष तथा ४० वर्षीया महिला, फेवासिटी हस्पिटलको क्यान्टिनमा कार्यरत १९ वर्षीय पुरुष, पोखरा १ का १ पुरुष, ५ का ३ पुरुष, ६ का १ पुरुष र १ महिला, ७ का १ पुरुष, ८ का १ पुरुष, १० का ३ पुरुष र २ महिला, १३ का २ पुरुष, १४ का १ पुरुष र १ महिला, २५ का ३ पुरुष र २ महिला, २९ का १ पुरुष रहेका छन्  ।

तनहुँ जिल्लाको भीमाद नगरपालिका, ब्यास नगरपालिका, शुक्लागण्डकी नगरपालिका तथा बन्दीपुरका २६ जनालाई कोरोना भाइरस संक्रमण पुष्टि भएको छ ।

लमजुङका मध्यनेपालका २ जनालाई संक्रमण पुष्टि भएको छ ।

स्याङ्जा जिल्लाको भीरकोटकी ५२ वर्षीय महिलालाई कोरोना भाइरस संक्रमण पुष्टि भएको छ ।

नवलपरासीमा आज एकैपटक देवचुली तथा मध्यविन्दुका ५६ जनालाई कोरोना भाइरस संक्रमण पुष्टि भएको छ ।

बाग्लुङमा ७ जनालाई कोरोना भाइरस संक्रमण पुष्टि भएको छ । संक्रमितमध्ये २ जना नेपाली सेनामा कार्यरत रहेका छन् ।

यससंगै गण्डकी प्रदेशमा कोरोना भाइरस संक्रमितको कुल संख्या ४ हजार ९७१ पुगेको छ ।