तनहुँ । करेन्ट लागेर मृत्यु भएका व्यास-४ का सुबास श्रेष्ठको परिवारलाई पिताम्बर थापाले आर्थिक सहयोग गरेका छन् ।

गत साउन २१ गते बुधबार श्रेष्ठको व्यास-१ विज्ञानचौरमा करेन्ट लागेर मृत्यु भएको थियो । पिताम्बर थापाको घरमा वर्ल्डलिंकको इन्टरनेट जोड्ने क्रममा करेन्ट लागेर श्रेष्ठको मृत्यु भएको थियो ।

मृतक श्रेष्ठ वर्ल्डलिंक इन्टरनेट दमौली शाखामा कार्यरत थिए । कार्यक्षेत्र मै काम गर्दा गर्दै श्रेष्ठको करेन्ट लागेर मृत्यु भएको थियो ।

पिताम्बर थापाका छोरा हेम बहादुर थापा र बुहारी मन्जिला थापाले जापानबाट उक्त आर्थिक सहयोग गरेका हुन् । उक्त रकम पिताम्बर थापाले बिहिबार श्रेष्ठको परिवारलाई उनकै घरमा गएर हस्तान्तरण गरेका हुन् ।

‘परिवारको अवस्था साह्रै जटिल रहेछ ।’ थापाले भने ‘मृतक श्रेष्ठका बुबा पनि मृगौला पीडित रहेछन ।’ उनले थपे ‘सुबासको साना साना २ छोरा रैछन उनीहरुको लागी केहि सहयोग होस् भनेर सानो सहयोग गरेका हौ ।’