तनहुँ । तनहुँको व्यास-५ मा रहेको पर्यटकीय स्थान मानहुँकोटमा सरसफाई गरिएको छ । बुधबार बिहान टिम नेपो तनहुँले मानहुँकोटमा सरसफाई गरेको हो ।

व्यास नगरपालिकासंगै तनहुँ जिल्ला कै पर्यटकीय गन्तव्यको रुपमा विकसित भईरहेको मानहुँकोट अहिले आन्तरिक र बाह्य पर्यटकले गर्ने फोहोरका कारण कुरुप बन्दै गईरहेको छ ।

सोही कुरालाई मध्यनजर गर्दै क्लबले बुधबार सरसफाई गरेको टिम नेपो तनहुँका अध्यक्ष गोविन्द तिमल्सिनाले बताए ।

मानहुँकोट वरपर भएको फोहोर सफाई गरिएको कार्यक्रम संयोजक उमेश पौडेलले बताए । उक्त कार्यक्रमको प्रमुख अतिथि व्यास-५ का वडाअध्यक्ष मोहन कुमार श्रेष्ठ रहेका थिए ।

सो अवसरमा वडाअध्यक्ष श्रेष्ठले सरसफाईमा स्थानीय आफै जागरुक भएर लाग्नुपर्ने बताए । त्यस्तै बाहिरबाट मानहुँकोट जाने आन्तरिक तथा बाह्य पर्यटकले आफुले लगेको सामाग्रीबाट निस्कने फोहोरको व्यवस्थापन गर्नेपर्ने वडाअध्यक्ष श्रेष्ठले बताए ।

फोहोरको थुप्रोले मानहुँकोटको सुन्दरता घटाउने हुँदा सरसफाई गरेर सफा मानहुँकोट राख्न सरसफाई गरिएको क्लबका निवर्तमान अध्यक्ष सुजन लौडारीले बताए ।