बीरगंज – समयमै मल ल्याउन नसकेको भन्दै आलोचना खेपिरहेको सरकारले साल्ट ट्रेडिङ कम्पनी मार्फत ल्याएको मल दोस्रोपटक पनि भिजेको अवस्थामा बीरगंजको अलौस्थित सुख्खा बन्दरगाहको ड्राइपोर्टमा आइपुगेको छ ।

यसअघि आएको ५० हजार बोरा मल भिजेको अवस्थामा प्राप्त भएकोमा सरकारले यसपाली पनि खरिद गरेर ल्याएको मल भिजेकै अवस्थामा आइपुगेको हो ।

भिजेको मलका बारेमा साल्ट ट्रडिङ्ग कम्पनीले आफूहरुलाई पूर्व जानकारी नभएको भन्दै तर्किन खोजेका छन् ।,भने आपूर्तिकर्ताले सुख्खा बन्दरगाहमा मल ल्याएपनि औपचारिक रुपमा ह्याण्डओभर नगरेकोले भिज्नु, कम गुणस्तरयुक्त हुनु सबै आपूर्तिकर्ताको जिम्मा भएको साल्ट ट्रेडिङ्गको दाबी छ । 

सरकारले अहिले आयात गरेको डीएपी मल अब हिउँदे बालीलाई मात्रै काम लाग्दछ । सिजन नै नभएको डीएपी मल अहिले आएको छ । बजारमा माग भएको युरिया मल अहिलेसम्म आउन सकेको छैन । किसानलाई युरिया मल आपूर्ति गर्नुको साटो साल्ट ट्रेडिङ कम्पनी लिमिटेडले काम नलाग्ने डीएपी मल त्यो पनि गुणस्तरहिन भिजेको अवस्थामा आयात गरेको छ । मलको आशा गरेर बसेका लाखौँ कृषकहरु पुनः निरास बनेका छन् ।