आज देशभर थप १ हजार ५५१ जना कोरोना संक्रमित भेटिएका छन् । यससँगै, कूल संक्रमितको संख्या ९० हजार ८१४ पुगेको स्वास्थ्य मन्त्रालयका प्रवक्ता डा जागेश्वर गौतमले जनाएका छन् । पछिल्लो २४ घण्टा २ हजार ३४० जना डिस्चार्ज भएसँगै कोरोना मुक्त हुनेको संख्या ६७ हजार ५४२ जना पुगेको छ ।

देशभर ११ हजार ४७ जनाको पीसीआर परीक्षणमा गरिएको थियो जसमा१ हजार ५५१ जनामा कोरोना पोजिटिभ देखिएको ओ । हाल देशभर २२ हजार ७०९ जना सक्रिय संक्रमित रहेको गौतमले बताए ।

नेपालमा पछिल्लो २४ घण्टामा थप ९ जना कोरोना संक्रमितको मृत्यु भएको छ। मंगलबार स्वास्थ्य तथा जनसंख्या मन्त्रालयले दिएको जानकारी अनुसार देशभरमा थप ९ जना संक्रमितको मृत्यु भएको हो।

मृत्यु हुनेमा ४ महिला र ५ जना पुरुष रहेका छन्। मृत्यु हुनेमध्ये काठमाडौँका दुई, ललितपुर र नवलपरासीपूर्वकी एकरएक गरी ४ महिला रहेका छन्। त्यस्तै ललितपुरका २, चितवन, तेह्रथुम र सुनसरीका एकरएक जना पुरुषको पनि संक्रमणबाट ज्यान गएको मन्त्रालयले जनाएको छ।

योसँगै नेपालमा कोरोना संक्रमणबाट मृत्यु हुनेको संख्या ५६३ पुगेको छ।