गण्डकी प्रदेशमा कोरोना संक्रमितको संख्या ४ हजार २ सय २ पुगेको छ ।पोखरामा सोमबार ३६ कोरोना संक्रमित थपिएका छन् ।

स्वास्थ्य निर्देशनालय गण्डकीका अनुसार क्षयरोग उपचार केन्द्र, पोखरामा गरिएको परीक्षणमा सोमबार बिहानै कास्कीको पोखरा महानगरपालिकाका ११ वटा वडाका २६ जना र नवलपुरका १ जना गरी थप २७ जनामा कोरोना देखिएको हो ।

संक्रमण पुष्टि हुनेमा पोखरा – ३ का २२, २३, २२ , २४ , २५, २६, २५, २७ , ३० र ३८ वर्षीय पुरुष, पोखरा ७ का २६ र २९ वर्षीय पुरुष, पोखरा १० का २८ र ६४ वर्षीय पुरुष, पशुपंक्षी तथा मत्स्यविकास निर्देशनालय पोखरामा कार्यरत चिकित्सक पोखरा १२ का ३६ वर्षीय पुरुष, पोखरा ११ का २८ र ३० वर्षीय पुरुष, पोखरा १३ का ३६ वर्षीया महिला , पोखरा १४ का २२ वर्षीय पुरुष ,५२ वर्षीया महिला तथा फेवासिटी असपतालमा उपचाररत ५१ वर्षीय पुरुष , पोखरा १७ का २० वर्षीय पुरुष, पोखरा १९ का ५५ वर्षीय पुरुष, पोखरा २२ का २९ वर्षीय पुरुष, पोखरा ३० की ५१ वर्षीया महिला र पोखराका वडा नखुलेका ४९ वर्षीया महिला रहेको निर्देशनालयले जनाएको छ ।त्यसैगरी नवलपुर जिल्ला मध्यबिन्दु नगरपलिकाका २० वर्षीय पुरुषमा कोरोना संक्रमण पुष्टि भएको छ ।

दोस्रो विज्ञप्ति अनुसार, दिउँसो पोखरा महानगर पालिकाका ७ वटा वडाका १० सहित गण्डकी प्रदेशमा ११ जना कोरोना संक्रमित थपिए।गण्डकी प्रदेश स्वास्थ्य निर्देशनालयका अनुसार पोखरा महानगरका ७ वटा वडामा १० जना र तनहुँको आँवुखैरेनीका १ जना गरी ११ जनामा कोरोना पुष्टि भएको हो । पोखराको वडा नं ६ का १८ वर्षीया महिला, वडा नं ७ का १६ वर्षीय पुरुष र ७३ वर्षीया महिला, वडा नं ९ का ५३ वर्षीया महिला, वडा नं १० का १० वर्षीय वालक सहित ६८ वर्षीय पुरुष र ३३ वर्षीया महिला रहेका छन ।

त्यसैगरी पोखरा ११ का ४६ वर्षीय पुरुष, पोखरा १६ का ७२ वर्षीय पुरुष र पोखरा १७ का ५३ वर्षीय पुरुष रहेका छन भने तनहुँ आँवुखैरेनी वडा नं १ का २० वर्षीय पुरुषमा कोरोना पुष्टि भएको निर्देशनालयले जनाएको छ ।

तेस्रो विज्ञप्तीमा गण्डकी प्रदेश स्वास्थ्य निर्देशनालयले गोरखा जिल्लामा सोमवार दिउसो ९ प्रहरी सहित १८ जनामा कोरोना संक्रमण पुष्टि भएको जनाएको छ ।

निर्देशनालयका अनुसार गोरखाको गोरखा नगर पालिका वडा नं ११ का नेपाल प्रहरीमा कार्यरत ९ जना र सोही नगर पालिका अन्य वडाका ८ सहित पालुंगटारका १ जना गरि १८ जनामा कोरोना संक्रमण पुष्टि भएको हो ।

संक्रमण पुष्टि हुनेहरुमा वडा नं ११ को वडा प्रहरी कार्यालय गोरखा १२ किलोमा कार्यरत २६–२६, २७, ३३–३३ र ३७ वर्ष उमेर समुहका ६ जना पुरुष प्रहरी र २६ र ३३ वर्षीया महिला प्रहरी रहेका छन भने जिल्ला प्रहरी कार्यालय गोरखामा कार्यरत ४८ वर्षीय एक प्रहरीमा समेत कोरोना देखिएको छ ।

त्यसै गरि वडा नं ११ मा संक्रमित हुनेहरुमा ३ र १२ वर्षीय वालकहरु गोरखा १२ किलोमा वडा प्रहरी कार्यालयमा कार्यरत महिला प्रहरीका छोराहरु हुन । त्यस्तै सोही वडाका २२ र ५८ वर्षीय पुरुष तथा २५ र ४१ वर्षीया महिलामा कोरोना संक्रमण भएको छ ।अन्य संक्रमित हुनेहरुमा प्रहरी हिरासतमा रहेका वडा नं १० का ३० वर्षीय पुरुष, वडा नं १४ का ४४ वर्षीय पुरुष रहेका छन भने पालुंगटार वडा नं ९ का ३३ वर्षीय एक पुरुषमा कोरोना संक्रमण देखिएको छ ।

यस्तै, चौथो तथा अन्तिम विज्ञप्तिमा नवलपुरका ६ जनामा कोरोना संक्रमण पुष्टि भएको छ । बौदीकाली वडा नं. १, २ र ६ का १८ देखि ४९ वर्ष उमेरसमूहका ६ जना पुरुषमा कोरोना संक्रमण भएको हो ।