तस्वीरः सुदर्शन रञ्जित
पोखरामा २ जना प्रहरी सहित थप १० जनालाई कोरोना भाइरस संक्रमण पुष्टि भएको छ । निर्देशनालयका अनुसार पोखरा स्वास्थ्य विज्ञान प्रतिष्ठान पोखरामा गरिएको परीक्षणका क्रममा पोखरामा थप १० जनालाई संक्रमण पुष्टि भएको हो ।
पोखरा- ४ का २ जना ४५ तथा ४७ वर्षीय पुरुषलाई संक्रमण पुष्टि भएको छ । संक्रमित जिल्ला प्रहरी कार्यालय कास्कीमा कार्यरत प्रहरी रहेका छन् । पोखरा वडा नम्बर ६ की २६ वर्षीय महिलालाई संक्रमण पुष्टि भएको छ । उनी राष्ट्रिय वाणिज्य बैंक गैंडाकोट नवलपरासी (ब.सु.पू) मा कार्यरत रहेकी छिन् ।
त्यस्तै पोखरा वडा नम्बर १० का ४७ वर्षीय पुरुषलाई संक्रमण पुष्टि भएको छ । उनी पोखरा स्वास्थ्य विज्ञान प्रतिष्ठानको प्रयोगशालामा कार्यरत स्वास्थ्यकर्मी हुन् ।
त्यस्तै पोखरा १३ की ५४ वर्षीय १ जना महिला, १४ का २७ तथा ४३ वर्षीय पुरुष, पोखरा- १५ का ३५ वर्षीय महिला तथा २० वर्षीय पुरुष, पोखरा १६ का २५ वर्षीय पुरुषलाई संक्रमण पुष्टि भएको स्वास्थ्य निर्देशनालयले जानकारी दिएको छ ।
तनहुँ शुक्लागण्डकी २ का २५ वर्षीय पुरुष, तनहुँ भानु २ का २६ वर्षीय पुरुष र नेपाल प्रहरीमा कार्यरत मनाङ चामेका ३१ वर्षीय पुरुष, लमजुङको दुधपोखरी ६ का २५ वर्षीय पुरुष तथा राइनाशका ६ का ४० वर्षीय पुरुषमा समेत कोरोना पुष्टि भएको निर्देशनालयले जनाएको छ ।
चितवन मेडिकल कलेजमा गरिएको परीक्षणका क्रममा लमजुङका २ जनालाई संक्रमण पुष्टि भएको छ । जिल्लाको दुधपोखरी ६ का २५ वर्षीय तथा राइनास ६ का ४० वर्षीय पुरुषलाई संक्रमण पुष्टि भएको हो ।
संक्रमित सबैलाई आइसोलेसन कक्षमा लैजाने तयारी भइरहेको छ ।
यससंगै गण्डकी प्रदेशमा कोरोना भाइरस संक्रमितको कुल संख्या ३ हजार ६ सय ६० पुगेको छ ।
This will close in 4 seconds
सम्बन्धित खबर
कास्कीको मादीमा नागीधार महोत्सव सुरु
फोनिज कास्कीको अध्यक्षमा बिनु थापा मगर
पोखरामा पुराना सवारीसाधनले लाइसेन्स ट्रायल दिनुपर्दा धेरै असफल भएपछि नयाँ व्यवस्था
अध्यादेशको विरोध गर्दै कास्कीका ३५ स्थायी शिक्षकले दिए सामूहिक राजीनामा
डा. निकोलस भुसाललाई ५० हजार धरौटीमा छाड्न कास्की अदालतको आदेश
कास्की हिरासतमा रविको तस्वीर खिच्ने निकोलस भुसाल फेरि पक्राउ
यो पनि पढौँ
स्याङ्जाका निरजलाई आठौं पटक ठेलोको उपाधि
कथा सकिने डरले चलचित्र निर्देशक बनेका गायक प्रकाश सपूत
देवघाटमा माघे सङ्क्रान्ति मेला सुरु
पर्वतको कुश्मामा कपास उद्योगमा आगलागी