गण्डकीमा कोरोना संक्रमितको संख्या ३ हजार ५ सय ७९ पुगेको छ । आज मात्रै गण्डकी प्रदेशमा ५६ जना संक्रमित थपिएका छन् । ६१ जना निको भएका छन् । प्रदेशमा आज ७५६ जनाको पीसीआर परिक्षण भएकोमा ५६ जनामा पोजिटिभ नतिजा देखिएको हो ।

आज पोखरामा १३ र अन्नपूर्ण गाउँपालिकामा १ गरी कास्कीमा १४ जना थपिएका छन् । गण्डकी प्रदेश स्वास्थ्य निर्देशनालयको दोस्रो विज्ञप्ति अनुसार पोखराका ५ जना सहित गण्डकी प्रदेशमा ३१ जना कोरोना संक्रमित थपिएका छन् ।

पोखरा महानगर वडा नं ८ का १५ र १८ वर्षिय पुरुष तथा ३८ वर्षिया महिला, पोखरा ११ की ३६ वर्षिया महिला र पोखरा १४ की २३ वर्षिया महिलामा कोरोना संक्रमण पुष्टि भएको जनाएको हो । त्यसै गरि स्याङजा विरुवाका ३० वर्षिय पुरुष र वालिङ ४ का १९ र ४४ वर्षिय पुरुष रहेको निर्देशनालयले जनाएको छ ।

त्यसै गरि निर्देशनालयले तनहुँका ११ जना कोरोना सक्रमण पुष्टि भएको जनाएको छ । तनहुँ व्याका २३ वर्षिय पुरुष र व्यास १० का ५ वर्षिय वालक सहित ४८ वर्षिय पुरुष तथा १८ र ४१ वर्षिया महिलामा कोरोना सक्रमण पुष्टि भएको छ । तनहुँ भानु वडा नं २ का २८ वर्षिय पुरुष, भानु वडा नं ५ का ३६ वर्षिय पुरुष, आँवुखैरेनी वडा नं ३ का ८ वर्षिया वालिका र ३३ वर्षिया महिला, आवुंखैरेनी वडा नं २ की ५९ वर्षिय महिला र देवघाट ५ का ५९ वर्षिय पुरुषका कोरोना सक्रमण देखिएको छ ।

निर्देशनालयका अनुसार वागलुङ काठेखोला ७ का २१ वर्षिय पुरुष तथा ५१ वर्षिया महिला, गल्कोट ५ का ३१ वर्षिय पुरुष तथा ४ का २७ र ५४ वर्षिय पुरुष, जैमीनी ८ का ३३ वर्षिय पुरुष तथा ६ का १८ र ५२ वर्षिय पुरुष र पर्वत कुस्माका ५० वर्षिय पुरुष सहित २१, २९ र ३३ वर्षका नेपाल आर्मीमा कार्यरत ३ पुरुषहरु रहेका छन ।

यसअघि बिहान पोखराका ८ सहित गण्डकीमा थप २५ जनामा कोरोना पुष्टि भएको थियो । पोखरा स्वास्थ्य विज्ञान प्रतिष्ठानमा गरिएको परीक्षणका क्रममा अन्नपूर्ण गाउँपालिकाका १ सहित पोखरा महानगरपालिकाका ८ जनालाई कोरोना संक्रमण पुष्टि भएको हो ।

निर्देशनालयले कास्कीको पोखरा महानगर( १० का ३१ वर्षीय पुरुष तथा ७ वर्षीया बालिका ,पोखरा- १५ का ३९ र ६५ वर्षीय पुरुष , पोखरा( १७ की २६ वर्षीया महिला, पोखरा २० का २० र ३२ वर्षीय पुरुष, पोखरा- २७ की ७४ वर्षीय महिला तथा कास्कीको अन्नपूर्ण गाउँपालिका का ३२ वर्षीय पुरुषमा कोरोना भाइरस देखिएको जानकारी दिएको हो ।

त्यसैगरी म्याग्दीका कोरोना संक्रमित बेनी नगरपालिका वडा नम्बर ३ का ३० वर्षीय पुरुष हुन् । यस्तै स्याङ्जाका ३ जनालाई कोरोना भाइरस संक्रमण पुष्टि भएको छ । जसमा वालिङ नगरपालिका वडा नम्बर ४ का ४३ तथा वडा नम्बर ११ का ३९ वर्षीय पुरुष रहेका छन् । त्यस्तै गल्याङ नगरपालिका वडा नम्बर २ का ३१ वर्षीय पुरुषलाई संक्रमण पुष्टि भएको छ ।

यस्तै तनहुँमा ४ जना नयाँ कोरोना संक्रमित थपिएका छन । जिल्लाको व्यास नगरपालिकाका १ जना र भिमाद नगरपालिकाका ३ जनामा कोरोना पुष्टि भएको स्वास्थ्य निर्देशनालय गण्डकीले जनाएको छ ।

जिल्लाको व्यास-२ का ५३ वर्षीय पुरुषमा कोरोना संक्रमण पुष्टि भएको छ । त्यस्तै भिमाद-३ का ३६ र २६ वर्षीय पुरुष र भिमाद-१ का २६ वर्षीय पुरुषमा कोरोना संक्रमण पुष्टि भएको निर्देशनलयले जनाएको छ । सबै संक्रमितहरु भारतबाट आएर क्वारेन्टिनमा बसेका व्यक्ति हुन ।

यस्तै बाग्लुङका २ जनालाई संक्रमण पुष्टि भएको छ । जिल्लाको बाग्लुङ नगरपालिका १३ का ६२ वर्षीय पुरुष तथा बडीगाड १ का २६ वर्षीया महिलालाई कोरोना भाइरस संक्रमण पुष्टि भएको हो ।

यस्तै लमजुङका ५ जनालाई कोरोना भाइरस संक्रमण पुष्टि भएको छ । जिल्लाको मध्यनेपाल अन्तरगत वडा नम्बर ६ का १० वर्षीय बालिका सहित १६, ३० तथा ५८ वर्षीय पुरुषलाई संक्रमण पुष्टि भएको हो । साथै वडा नम्बर १० की ३५ वर्षीया महिलालाई समेत कोरोना भाइरस संक्रमण पुष्टि भएको छ ।