मङ्गलबार देशका धेरै ठाउँमा पानी परेको छ । अहिले पनि देशका विभिन्न ठाउँमा पानी परिरहेको मौसमविद्ले बताएका छन् । मौसमविद्का अनुसार देशका धेरै ठाउँमा हल्कादेखि मध्यम वर्षा भएको छ । गण्डकी प्रदेश र ५ नम्बर प्रदेशका केही ठाउँमा भने ठूलो वर्षा भएको छ ।

आज राति पानी पर्ने क्रम अझ बढ्ने पनि उहाँले बताउनुभयो । मङ्गलबार राति गण्डकी र ५ नम्बर प्रदेशसहित अरु प्रदेशमा पनि ठूलो वर्षाको सम्भावना रहेको मौसमविद्ले बताए । बुधबार र बिहीबार पनि पानी पर्ने सम्भावना रहेकाले बाढी पहिरोको खतरा रहेको छ ।

भदौको अन्तिम महिनातिर चर्को घाम लागेकाले अहिले सामान्य पानी पर्दा पनि पहिरो जाने खतरा, भूकम्पले जमिनको भित्री भाग चर्किएकाले भूकम्प प्रभावित पहाडी जिल्लामा पहिरोको बढी खतरा रहेकाले सावधानी अपनाउन मौसमविद्को सुझाव छ ।

मौसमविद् अर्यालका अनुसार अहिलेको पानीले नसोचेको ठाउँमा पहिरो जाने जोखिम हुन्छ । यस्तै बाढी पूर्वानुमान महाशाखाका अनुसार मङ्गलबार रातिदेखि आउँदो १० गतेसम्म नै देशका धेरैजसो नदीमा पानीको बहाव बढ्ने सम्भावना छ ।