लमजुङ र गोरखाका पूर्वाधार विकास कार्यालयबाटै यातायातका सेवा उपलब्ध हुने व्यवस्था सुरु भएको छ ।
गण्डकी प्रदेशका मुख्यमन्त्री पृथ्वीसुब्बा गुरुङले एक्सन रुमबाट सो सेवाको औपचारिक शुभारम्भ भएको छ । मुख्यमन्त्रीले यहाँबाटै क्लिक गरेर लमजुङको कार्यालयमा रसिद प्रिन्ट गरेर सेवा उदघाटन गरे ।
पूर्वाधार विकास कार्यालय लमजुङका प्रमुख सुमन गिरीले ब्लुबुक रिन्युको उक्त रसिद सेवाग्राही यज्ञनारायण श्रेष्ठलाई हस्तान्तरण गरे । अब ब्लुबुक नवीकरण, रुट परमिट, सवारी जाँचपास, पटके रुट परमिट लगायतको काम जिल्लाबाट गर्न पाउँदा ति दुई जिल्लाका वासिन्ता लाभान्वित हुनेछन् । यति काम गर्न अब यातायात व्यवस्था कार्यालय पोखरामा धाइरहनु पर्ने छैन ।
यसअघि पोखराको कास्की, बागलुङ, तनहुँको डुम्रेमा मात्रै यातायात व्यवस्थाका सेवा उपलब्ध थिए । गण्डकी प्रदेश सरकारले स्याङ्जा, लमजुङ र गोरखामा यातायात व्यवस्था सम्बन्धी सेवा थप गरेको हो । भर्चुअल समारोहकाबीच सेवा आरम्भ गरेपछि मुख्यमन्त्री गुरुङले अब जिल्लाबाटै सेवा प्राप्त हुनु भनेको जनतामा संघीयता आएको अनुभूति मिलेको विश्वास व्यक्त गरे ।
भौतिक पूर्वाधार विकास मन्त्री रामशरण बस्नेतले अबको केही समयपछि नवलपुरमा लाइसेन्स, नामसारी लगायत यातायात व्यवस्थाका सबै सेवा उपलब्ध गराइने जानकारी दिए ।
सम्बन्धित खबर
भारतले ढाल्नै चाहेपनि कांग्रेस-एमाले सरकार ढल्दैन: मुख्यमन्त्री पाण्डे
गोरखामा आगलागी हुँदा ३ वटा घर जलेर नष्ट
पत्रकार महासंघ चुनाव स्थगित गरेकोमा गोरखा शाखा निलम्वन
गोरखा नगरपालिका ५ को अध्यक्षमा माओवादी केन्द्रका विष्णु विजयी
गोरखामा जुनको उज्यालोमा मकै सुकाउने पर्व मनाइयो
आँपपिपल र गोरखा अस्पतालमा स्वास्थ्यमन्त्री
यो पनि पढौँ
स्याङ्जाका निरजलाई आठौं पटक ठेलोको उपाधि
कथा सकिने डरले चलचित्र निर्देशक बनेका गायक प्रकाश सपूत
देवघाटमा माघे सङ्क्रान्ति मेला सुरु
पर्वतको कुश्मामा कपास उद्योगमा आगलागी