तनहुँ । तनहुँमा ५ जना कोरोना संक्रमित थपिएका छन ।

जिल्लाको व्यास नगरपालिका वडा नम्बर ४ र म्याग्दे गाउँपालिका वडा नम्बर ४,६ र १ का ५ जनामा कोरोना संक्रमण पुष्टि भएको स्वास्थ्य निर्देशनालय गण्डकीले जनाएको छ ।

व्यास-४ का ४३ वर्षीय पुरुषमा कोरोना संक्रमण पुष्टि भएको छ ।

त्यस्तै म्याग्दे-४ का ३० वर्षीय पुरुष, म्याग्दे-६ की २५ वर्षीया महिला, म्याग्दे-१ का २० र २९ वर्षीय दुई जना पुरुषमा कोरोना संक्रमण पुष्टि भएको निर्देशनालयले जनाएको छ ।

क्षयरोग उपचार केन्द्र पोखरामा गरिएको परीक्षणमा उनिहरुमा कोरोना पुष्टि भएको स्वास्थ्य निर्देशनालय गण्डकीले जनाएको छ ।

कन्ट्याक्ट ट्रेसिङमा परेका व्यक्तिमा कोरोना संक्रमण पुष्टि भएको हो ।

तनहुँमा कोरोनाको अवस्था

तनहुँमा कोरोना सङ्क्रमितको सङ्ख्या ३३५ जना पुगेको छ भने निको हुनेको सङ्ख्या २२६ जना पुगेको जिल्ला स्वास्थ्य कार्यालय तनहुँले जनाएको छ ।

यस्तै ३ जनाको कोरोना सङ्क्रमणबाट मृत्यु भएको छ ।