युवा खेलाडी अन्सु फातीको कीर्तिमानी गोलमा स्पेनले यूईएफए नेसन्स लिग अन्तर्गत समूह चरणको दोस्रो खेलमा सहज जित हात पारेको छ । आइतबार राति भएको खेलमा स्पेनले युक्रेनलाई ४–० गोल अन्तरले पराजित गरेको हो ।

यसअघि यो रेकर्ड जुवान इराक्विनको नाममा थियो। उनले सन् १९२५ मा स्विट्जरल्यान्डविरुद्ध १८ वर्ष ३ सय ४४ दिनको उमेरमा गोल गरेर रेकर्ड बनाएका थिए।

घरेलु मैदनमा भएको खेलमा स्पेनलाई जित दिलाउन कप्तान सर्जियो रामोसले दुई गोल गरे । त्यस्तै अन्सु फाती र फेरान टोरेसले एक–एक गोल गरे । पहिलो हाफमा तीन गोल गरेको स्पेनले दोस्रो हाफमा थप एक गोल गर्न सफल भएको थियो । खेलको तेस्रो मिनेटमा रामोसले पेनाल्टीमार्फत गोल गर्दै स्पेनलाई अग्रता दिलाए । २९ औँ मिनेटमा रामोसले व्यक्तिगत दोस्रो गोल गर्दै स्पेनको अग्रता दोब्बर पारे ।

३२ औँ मिनेटमा स्पेनका लागि अन्सु फातीले गोल गर्दै स्पेनलाई ३–० गोलको अग्रता दिलाए । खेलको ८४ औ मिनेटमा टोरेसले गोल गर्दै स्पेनलाई ४–० गोलको जित दिलाए । आजको खेलमा फातीको स्पेनका लागि यो डेब्यू गरे । उनले गरेको गोलले स्पेनिस फुटबलका लागि एक नयाँ कीर्तिमान बनेको छ ।

फाती हाल स्पेनिस राष्ट्रिय टोलीका लािग सबै भन्दा सानो उमेरमा गोल गर्ने खेलाडी बनेका छन् । १७ वर्षिय फाती हाल स्पेनिस ला लिगा क्लब बार्सिलोनाका लागि पनि उत्कृष्ट खेलाडीको रुपमा परिचित छन् ।

जितसँगै समूह डीको स्पेनले दुई खेलबाट ६ अंक जोड्दै शीर्ष स्थानमा आफूलाई स्थापित गरेको छ । दोस्रो स्थानको युक्रेनको ३ अंक रहेको छ ।