गण्डकी प्रदेशका प्रहरी प्रमुख प्रहरी नायब महानिरीक्षक (डिआइजी) घनश्याम अर्याललाई कोरोना पुष्टि भएको छ ।
कन्ट्याक्ट ट्रेसिङका क्रममा उनको स्वाब परीक्षण गरिएकोमा आइतबार बिहान रिपोर्ट पोजेटिभ आएको प्रदेश स्वास्थ्य निर्देशनालय गण्डकीका निर्देशक डा. बिनोदविन्दु शर्माले जानकारी दिए । अर्याल हाल प्रदेश प्रहरी कार्यालयकै क्वार्टरमा छन् । उनमा स्वास्थ्य अवस्था सामान्य नै रहेको निर्देशक शर्माले जानकारी दिए । ५२ वर्षीय अर्यालसँगै अर्का २५ वर्षीय प्रहरीमा समेत कोरोना पुष्टि भएको छ ।
आफूमा कोरोना संक्रमण पुष्टि भएपनि लक्षण केही नरहेको उनले बताए । अर्यालले संक्रमण पुष्टि भएपनि आफ्नो जिम्मेबारी अनुसारको काम गरिरहेको बताएका छन् । उनी पोखरा स्थित आफ्नै क्वाटरमा आइसोलेशनमा बसेका छन् । उनलाई संक्रमण पुष्टि भएपछि उहाँकी श्रीमती, चालक सहितका सुरक्षाकर्मी, भान्से लगायतका कर्मचारीको आजै स्वाब संकलन गरिएको छ ।
नेपाल प्रहरीको सशस्त्र गणमा कार्यरत दर्जनौं प्रहरीहरुमा कोरोना देखिएसँगै पोखराका विभिन्न कार्यालयमा कार्यरत प्रहरीहरु जोखिममा छन् । स्याङ्जाको जिल्ला प्रहरी कार्यालय नै सिल गर्नुपर्ने अवस्था आएपछि पोखराबाट त्यहाँ प्रहरी खटाइएको थियो । त्यहाँको तत्कालिन प्रहरी प्रमुख नै कोरोना संक्रमित भएका थिए । एसपी बिमलराज कँडेल निको भएर पनि सरुवा भइसकेका छन् । र अहिले, स्याङ्जाको प्रहरी कमाण्ड सम्हाल्न एसपी होविन्द्र बोगटी आइसकेका छन् ।
पोखराबाट गएका प्रहरी फर्किएपछि स्वाब टेष्ट गराउँदा सशस्त्र गणमा कार्यरत प्रहरीहरुलाई कोरोना देखिएको थियो । सो गणमै पार्टीमा सहभागिता जनाएका गण्डकी प्रदेश सांसद मोहन रेग्मीलाई पनि कोरोना देखिएर अहिले होम आइसोलेसनमा आरामरत छन् । यही क्रममा अर्का भिआईपीमा कोरोना देखिएको हो ।
सम्बन्धित खबर
गण्डकी प्रदेशलाई ‘वेलनेस’ टुरिजमको हव बनाऔँ : मुख्यमन्त्री पाण्डे
पोखरा लेकसाइडमा २० औं फेवा महोत्सव हुने
पोखरा आएर एमाले महासचिवले भने : मेयर हारेको विषयबाट पाठ सिकेर एकढिक्का हुनुस्
पड्किएको बेलुन बेच्ने कमलेश हाजिरी जमानीमा रिहा
घर–घर पुगेर जनता भेट्दै एमाले, कास्कीमा शुक्रबारदेखि अभियानको सुरूवात
पोखरामा जिप र स्कुटर ठोक्किँदा एक जनाको मृत्यु, अर्का एक घाइते
यो पनि पढौँ
पोखरामा जीपको ठक्करबाट आमाको मृत्यु, छोरा गम्भीर घाइते
कुम्भ मेलाबाट फर्किँदै गर्दा नेपाली सवार गाडी दुर्घटना, रुपन्देहीका ३ जनाको मृत्यु
पर्वतमा जीप दुर्घटना हुँदा एक जनाको मृत्यु, चालक गम्भीर
विराट चक्र विज्ञान पोखरा रंगशालामा नहुने