तनहुँ । तनहुँको आँबुखैरेनी गाउँपालिकाले १२ बेडको आइसोलेशन कक्ष तयार गरेको छ ।

आँबुखैरेनी गाउँपालिका वडा नं.३ शिवालय मन्दिर नजिक रहेको भवनमा गाउँपालिकाले प्रत्येक ४ वटा कोठामा ३/३ जनाका दरले राख्ने गरी १२ बेडको आइसोलेसन कक्ष तयार गरेको गाउँपालिकाले जनाएको छ ।

विश्वभर दु्रतगतीमा फैलिएको कोरोना भाईरस (कोभिड–१९) को संक्रमण स्थानीय स्तरमा समेत दिनानुदिन बढ्दै गएको हुँदा आफ्नै पालिकामा आइसोलेसन तयार गरिएको गाउँपालिका अध्यक्ष गिर बहादुर थापाले जानकारी दिए ।

‘आँबुखैरेनीबासीलाई कोरोना संक्रमण देखिए अन्यत्रको आईसोलेशनमा नपठाई आफ्नै क्षेत्रको आईसोलेसन कक्षमा तुरुन्तै लैजान सहज हुन्छ ।’ अध्यक्ष थापाले भने ‘संक्रमितले समेउ पचार समेत छिटै प्राप्त गर्न सक्नेछन ।’

कोरोना संक्रमितलाई सहज, प्राकृतिक र पारिवारिक वातारण महशुस गराउन मानिसको चहलपहल कम हुने मर्स्याङ्दी नदी किनारमा रहेको शिवालय मन्दिर नजिक आइसोलेशन कक्ष तयार गरिएको थापाले बताए ।

तस्बिर : राम बहादुर धामी