तनहुँ । तनहुँमा थप २ जनामा कोरोना संक्रमण पुष्टि भएको छ ।

शुक्रबार बिहान थपिएका संक्रमित जिल्लाको म्याग्दे गाउँपालिका र भानु नगरपालिकाका हुन ।

म्याग्दे गाउँपालिका-६ की २६ वर्षीया महिला र भानु नगरपालिका-७ की ५५ वर्षीया महिलामा शुक्रबार कोरोना संक्रमण पुष्टि भएको स्वास्थ्य निर्देशनालय गण्डकीले जनाएको छ ।

म्याग्देकी संक्रमितको बुबा आमालाई गत भदौ १२ गते कोरोना पुष्टि भएको थियो ।

उनिहरु भारतबाट आएर होम क्वारेन्टिनमा बसेको म्याग्दे गाउँपालिकाका प्रमुख प्रशासकीय अधिकृत हरि नागिलाले जानकारी दिए ।

गत भदौ ८ गते उनिहरुको स्वाब संकलन गरिएको थियो जसको रिपोर्ट १२ गते आएको र आज संक्रमण पुष्टि भएको महिलाका बुबा आमामा कोरोना पुष्टि भएको थियो ।

आमा बुबालाई नै कोरोना पुष्टि भएपछी कन्ट्याक्ट ट्रेसिङका आधारमा संक्रमितका छोरीसहित अन्य ११७ जनाको गत भदौ १४ गते स्वाब संकलन गरिएको थियो ।

अन्य ११६ जनाको रिपोर्ट नेगेटिभ आएको छ ।

संक्रमितलाई जीपी कोईराला राष्ट्रिय स्वासप्रस्वास उपचार केन्द्रको आइसोलेसनमा राखिएको प्रमुख प्रशासकीय अधिकृत नागिलाले जानकारी दिए ।