पोखरा – शनिबार गण्डकी प्रदेशमा थप २१ जनामा कोरोना संक्रमण पुष्टि भएको छ ।

थपिएका संक्रमित प्रदेशको नवलपुर जिल्लाका छन्  । संक्रमित सबै कन्ट्याक्ट ट्रेसिङमा परी स्वाब दिएर बसेका हुन्  ।

स्वास्थ्य निर्देशनालयका अनुसार क्षयरोग उपचार केन्द्र पोखरामा गरिएको परीक्षणमा बिनयत्रिबेणी गाउँपालिका वडा नं ६ का ५७, २१,५२,३४,४६ र ३१ वर्षका ६ जना पुरुष र सोही वडाका २७,४४,६४, ३७ र ५३ वर्षका गरी ५ जना महिलामा कोरोना पुष्टि भएको छ ।

यस्तै गाउँपालिकाकै वडा नं -७ का २५ र २१ वर्षीया महिला सहित ७ वर्षीय वालक सहित ५४ ,२१, ४३,४८ र ४४ वर्षका ६ जनामा संक्रमण भेटिएको छ ।

यस्तै जिल्लाकै गैंडाकोट नगरपालिका वडा नं ६ का ५५ वर्षीय पुरुष र वडा नं ८ की २५ वर्षीया महिलामा कोरोना संक्रमण भेटिएको निर्देशनालयले जनाएको छ । उनीहरुको चितवन मेडिकल कलेज भरतपुरमा स्वाब परीक्षण भएको थियो ।

संक्रमित सबैलाई जिल्लाको आइसोलेसन कक्षमा लैजाने तयारी भैरहेको छ । यो संगै गण्डकी प्रदेशमा कोरोना संक्रमितको संख्या २०८६ पुगेको छ ।