तनहुँ । तनहुँमा थप एक जनामा कोरोना संक्रमण पुष्टि भएको छ । स्वास्थ्य निर्देशनालय गण्डकीका अनुसारमा क्षयरोग उपचार केन्द्र पोखराको ल्याबमा गरिएको पीसीआर परीक्षणमा तनहुँको देवघाट गाउँपालिकाका एक जनामा संक्रमण पुष्टि भएको हो ।

संक्रमण हुनेमा देवघाट गाउँपालिका-५ का २७ वर्षका पुरुषमा रहेका छन् । संक्रमित पुरुष शिक्षक हुन् ।

देवघाटमा बुधबार संक्रमण पुष्टि भएका २७ वर्षीय पुरुष देवघाटकै आश्रमका शिक्षक भएको बुझिएको छ । उनि बिगत ४ महिनादेखि आश्रम बाहिर ननिस्केको तर कसरी संक्रमण भयो भन्ने विषय नखुलेको गाउँपालिकाका स्वास्थ्य संयोजक प्रदीप कुमार बुढाथोकीले बताए ।

संक्रमित पुरुष आश्रमकै क्वारेन्टिनमा बस्दै आएका र स्वास्थ्य अवस्था समेत सामान्य रहेको संयोजक बुढाथोकीले बताए । उनलाई आइसोलेसनमा राख्ने तयारी भइरहेको छ ।

तनहुँमा पछिल्लो समय ट्राभल हिस्ट्री नभएका समुदायका नागरिकहरुमा लक्षण सहितको संक्रमण देखिन थालेपछि त्रास बढ्दै गएको छ ।