पोखरा – कास्कीका तीन सहित गण्डकीमा थप १० नयाँ कोरोना संक्रमित थपिएका छन् । स्वास्थ्य निर्देशनालयका अनुसार क्षयरोग उपचार केन्द्र पोखरामा गरिएको परीक्षणमा प्रदेशका ६ जिल्लाका १० जनामा कोरोना संक्रमणको पुष्टी भएको निर्देशनालयका प्रमुख डा .विनोद विन्दु शर्माले जानकारी दिए ।

संक्रमितहरु कास्की पोखरा महानगरपालिका वडा नं ५ र ८ का ३९ र ३५ बर्षका पुरुषका साथै वडा नं -८ कै १५ बर्षीया युवती रहेकी छन् ।

यस्तै तनहुँको भानु नगरपालिका -२ र ४ वडाका ३० र ६१ बर्षका पुरुष, बाग्लुङ नगरपालिका -३ का ५४ बर्षीय पुरुष र बडिगाड गाउँपालिका -६ का ३८ बर्षीय पुरुष, गोरखा जिल्ला गोरखा नगरपालिकाका ४७ बर्षीया महिला, स्याङ्गजा पुतलीबजार नगरपालिका -१ का ३० बर्षीय पुरुष र नवलपुर मध्यविन्दु नगरपालिका -८ का ३४ बर्षीय पुरुषमा कोरोना पुष्टी भएको हो ।

संक्रमित सबैलाई सम्बन्धित जिल्लाको आइसोलेसन कक्षमा लैजाने तयारी भइरहेको छ । यो संगै गण्डकी प्रदेशमा कोरोना संक्रमितहरुको कुल संख्या १६९२ पुगेको छ ।