तनहुँ । गण्डकी प्रदेशमा एकैपटक २१ जना कोरोनाका नयाँ संक्रमित भेटिएका छन  ।

स्वास्थ्य निर्देशनालयको पछिल्लो अद्यावधिक विवरण अनुसार प्रदेशका दुई जिल्ला तनहुँ र स्याङ्गजाका एकै पटक २१ जनामा कोरोना संक्रमण पुष्टी भएको निर्देशनालयले जनाएको छ  ।

क्षयरोग उपचार केन्द्र पोखरामा गरिएको पीसीआर परीक्षणमा तनहुँको भानु नगरपालिकामा सबैभन्दा धेरै २० जना संक्रमित भेटिएका छन  । भानुको वडा नं -१ मा मात्र २७ देखि ५५ बर्ष उमेर समुहका पुरुष र ५ वर्षीया वालिका सहित ३१, २८, ३०,५६ र ३७ वर्षीया महिलामा गरी कुल २० जनामा कोरोना पुष्टी भएको हो । 

यस्तै स्याङ्गजा सदरमुकाम पुतलीबजार नगरपालिकाको वडा नं -१ मा ३९ वर्षीय पुरुषको परीक्षण रिपोर्ट पोजेटिभ आएको निर्देशनालयका प्रमुख डा. विनोद विन्दु शर्माले जानकारी दिए  । 

हाल संक्रमित सबैलाई सम्बन्धित जिलाको आइसोलेसन कक्षामा लैजाने तयारी भैरहेको छ । यो संगै गण्डकीमा कोरोना संक्रमितको कुल संख्या १६८१ पुगेको छ  ।