पोखरा – कास्की प्रहरीले अवैध घरेलु मदिरा सहित मदिरा बनाउन प्रयोग गरिने कच्चा पदार्थ वरामद गरी नष्ट गरेको छ ।
पोखराका बिभिन्न स्थानमा घरेलु मदिरा उत्पादन तथा बिक्री वितरण गरिएको भन्ने सूचनाका आधारमा जिल्ला प्रहरी कार्यालय तथा मातहत प्रहरी कार्यालयबाट खटिएको प्रहरीको टोलीले गरेको खोजतलास तथा अनुसन्धानका क्रममा १० लिटर तयारी घरेलु मदिरा सहित मदिरा बनाउन प्रयोग हुने कच्चा पदार्थ ४०० लिटर वरामद गरी नष्ट गरिएको कास्कीका प्रहरी नायव उपरीक्षक तथा प्रहरी प्रवक्ता सुवास हमालले जानकारी दिए ।
हमालका अनुसार वडा प्रहरी कार्यालय रामबजार बाट खटिएको प्रहरीको टोलीले धादिङ जिल्ला बैरेनी गाउँपालिका घर भइ हाल पोखरा -११ फूलबारीस्थित चन्द्र कुमारी गुरुङको घरमा डेरा गरी बस्ने सुन्तली श्रेष्ठको डेरा कोठाबाट १५० लिटर कच्चा पदार्थ (चिनी, मर्चा, कोदो) र ओखलढुंगा घर भइ सोही घरको डेरामा बस्ने राधिका थापा मगरको डेरा कोठाबाट १५० लिटर मदिराजन्य कच्चा पदार्थ र १० लिटर तयारी मदिरा वरामद गरी नष्ट गरेको छ ।
यस्तै वडा प्रहरी कार्यालय रामबजार बाट नै खटिएको प्रहरीको टोलीले पोखरा -१४ मनकामना टोल बस्ने टेक बहादुर गुरुङको घरबाट १०० लिटर मदिरा बनाउन प्रयोग गरिने कच्चा पदार्थ वरामद गरी नष्ट गरिएको प्रवक्ता हमालले जानकारी दिए ।
This will close in 4 seconds
सम्बन्धित खबर
भूकम्पबाट सगरमाथा राष्ट्रिय निकुञ्जको भवनमा क्षति
अनुदानमा प्राप्त ९ रुपैयाँको नुन किन्न २५ सय खर्च
मिठ्ठो पिरो क्यान्डी ‘रिमझिम बल’ आजको दिनमा पनि किन सान्दर्भिक छ ?
रविलाई पर्सा लगिँदै
राउटे समुदायलाई स्याङ्जामा आर्थिक सहयोग
गण्डकीका भौतिक मन्त्रीको निर्देशन : निर्माण अलपत्र पार्ने ठेकेदारलाई पत्र काट्नू
यो पनि पढौँ
स्याङ्जाका निरजलाई आठौं पटक ठेलोको उपाधि
कथा सकिने डरले चलचित्र निर्देशक बनेका गायक प्रकाश सपूत
देवघाटमा माघे सङ्क्रान्ति मेला सुरु
पर्वतको कुश्मामा कपास उद्योगमा आगलागी